ЗАБАВНА

ОД АРХИВИТЕ – БАЖЕ МАРОТОВ И „ЗАБОРАВИ МЕ“ – ПЕСНА ШТО ПОВТОРНО ГО НАЈДЕ ПАТОТ ДО ПУБЛИКАТА

Објавено

пред 2 недели

на

октомври 2, 2026

Од

Некои песни едноставно не стареат. Можеби со години остануваат тивко сокриени во архивите, но доволен е само еден момент за повторно да оживеат и да нè потсетат на едно поинакво музичко време. Токму една таква интересна музичка приказна денес ни открива Баже Маротов, долгогодишно име на македонската музичка сцена, кој зад себе има богат музички опус и бројни отпеани песни.

Од музичка архива на ТВ Сител Баже Маротов го извади видеото повторно со песната „Заборави ме“, реализирана со октет „Стерна“, дело кое носи интересна приказна и по својата музичка основа, но и по начинот на кој е обработено.

Песната е создадена на музиката од познатата песна на легендарниот Здравко Чолиќ – „Продужи даље“, додека текстот претставува превод и адаптација на Баже Маротов. За аранжманот, исто така, се погрижил Маротов, давајќи му на познатиот музички мотив ново, македонско музичко руво. Посебен печат на песната даваат и придружните вокали на октет „Стерна“, кои ја збогатуваат интерпретацијата и создаваат препознатлива вокална атмосфера.

Интересно е што ваквите песни од архивите често знаат да откријат дел од музичката историја кој со текот на годините неправедно останал во сенка. „Заборави ме“ е токму таков пример, видео клип и песна која денес повторно добива можност да биде слушната, споделена и откриена од оние кои можеби ја паметат, но и од една нова публика.

Баже Маротов со својата долгогодишна кариера оставил бројни траги на македонската музичка сцена, а ваквите архивски потсетувања се убав доказ дека зад секоја кариера стојат многу песни, приказни и музички моменти кои вреди повторно да се слушнат.

Понекогаш музиката навистина не треба да биде заборавена, само треба повторно да ја отвориме архивата.

Поврзани теми:

Следно

РОК – ИКОНИТЕ НА СЦЕНА – DEEP PURPLE НА 11 ОКТОМВРИ ВО СКОПЈЕ

Не пропуштајте

РОЛА ЈА ПУШТИ „ДРАГА НЕ БУДИ ПЕДЕР“ – НОВОТО ИМЕ ОД СКОПЈЕ ТРГНА ВО ОСВОЈУВАЊЕ НА БАЛКАНОТ!

Продолжи со читање

ЗАБАВНА

ПО ГОЛЕМИОТ ИНТЕРЕС СЕРГЕЈ ЧЕТКОВИЌ ЌЕ ОДРЖИ И ВТОР КОНЦЕРТ ВО СКОПЈЕ – ДВЕ ВЕЧЕРИ ЗА ЉУБОВ, ЕМОЦИИ И БЕЗВРЕМЕНСКИ ХИТОВИ

Објавено

пред 3 дена

на

октомври 12, 2026

Од

Цаци

Скопје повторно ќе живее во знакот на љубовта и музиката на Сергеј Четковиќ. По најавата за концертот на 31 октомври, регионалната музичка ѕвезда закажа и втор концерт во Македонската филхармонија, на 1 ноември, со почеток во 20 часот.

По минатогодишните две магични вечери на истата сцена, Сергеј повторно се враќа пред македонската публика, подготвен да приреди уште една музичка приказна исполнета со љубов, носталгија и искрени емоции. Интересот за неговото враќање во Скопје донесе уште еден концертен термин, па љубителите на неговата музика ќе имаат дополнителна можност да уживаат во неговите песни во живо.

Со својот препознатлив вокал, харизма и непосредност, Сергеј Четковиќ со години ја гради посебната врска со публиката низ регионот. Неговите песни не се само хитови што се слушаат на радио, тие се музички приказни за љубовта, разделбите, копнежот, спомените и сите оние чувства во кои секој може да се препознае.

Токму затоа неговите концерти се многу повеќе од обични музички настапи. Кога ќе почнат да се нижат добро познатите рефрени, публиката станува дел од приказната, пее заедно со него и ги претвора концертните вечери во заедничко доживување што долго се памети.

Скопските концерти се дел од актуелната турнеја „Live Tour 2026 – 5.0“, во рамките на која Сергеј настапува со својот бенд, носејќи комбинација од нова енергија и безвременски хитови.

Две вечери по ред, Македонската филхармонија ќе биде место за сите оние што веруваат дека најубавите песни се оние што допираат до срцето, будат спомени и потсетуваат на луѓето и моментите што ни значат.

Сергеј Ќетковиќ во Скопје:

31 октомври 2026 – прв концерт

1 ноември 2026 – втор концерт
Почеток: 20:00 часот
Локација: Македонска филхармонија, Скопје

Билетите за вториот концерт се достапни преку e-ticket.mk.

Скопје добива уште една можност за вечер исполнета со музика, љубов и емоции – затоа што некои песни едноставно не се слушаат само со ушите, туку и со срцето.

Продолжи со читање