Шоу Биз
„Питијада 2026“ од 9 до 11 октомври – Велес повторно ќе замириса на пита, вино и добра музика
ВЕЛЕС – Вкусот на традицијата, мирисот на велешката пита, добро вино и тридневна музичка забава и годинава ќе го одбележат едно од најочекуваните есенски случувања во Велес – „Питијада 2026“.
Од 9 до 11 октомври, Велес повторно ќе биде место каде што традицијата и гастрономијата ќе се спојат со музиката и добрата забава. Овогодинешното издание на фестивалот на велешка пита и вино го носи мотото „Вкус што раскажува традиција“, а организаторите веќе ги најавија и првите имиња од музичката програма.
Фестивалот ќе започне во петок, традиционално со најмладите, со настап на децата од градинките, по што следува еден од препознатливите моменти на „Питијада“ – подготовката на џиновската пита пастрмајлија.
Петочната вечер ќе продолжи со музичка програма, а како главна ѕвезда е најавен Влатко Лозаноски – Лозано, кој ќе биде задолжен за завршницата на првата фестивалска вечер.
Сабота, пак, е резервирана за балканскиот поп-звезден спектакл. Пред велешката публика ќе настапи Наташа Беквалац, која со своите хитови се очекува да привлече бројна публика од Велес, но и од други градови.
Неделата ќе донесе уште една голема музичка вечер. По барање на бројни велешани, на сцената ќе настапи легендарната „Црвена Јабука“, додека пред нив ќе пее Давид Темелков.Но, музичките имиња тука не завршуваат. Останатите учесници сè уште се договараат, па се очекува програмата дополнително да биде збогатена во периодот што следува.
„Питијада“ со години прераснува во препознатлив симбол на Велес, манифестација која покрај гастрономската понуда носи и богата културно-забавна програма. И оваа година се очекува фестивалот да ги собере велешани, гостите од цела Македонија и љубителите на традиционалната велешка пита, доброто вино и музиката.
Подготовките за „Питијада 2026“ се веќе во тек, а организаторите најавуваат дека повеќе детали и комплетната програма ќе бидат објавени наскоро.
Едно е сигурно од 9 до 11 октомври Велес ќе биде градот на питата, виното и добрата музика.
Шоу Биз
ЏОН ИЛИЈА АПЕЛГРЕН ОДБЕЛЕЖУВА 40 ГОДИНИ МУЗИЧКА КАРИЕРА СО ЕКСКЛУЗИВЕН ЈУБИЛЕЕН КОНЦЕРТ ВО МНТ!
Македонската музичка сцена се подготвува за вечер посветена на врвната музика, џезот и уметноста! Еден од најпрепознатливите македонски џез-вокалисти, Џон Илија Апелгрен, на 31 октомври ќе одбележи четири децении музичко творештво со голем јубилеен концерт во Македонскиот народен театар во Скопје.
Под насловот „40 лета музика“, Апелгрен ја носи публиката на музичко патување низ својата богата кариера, исполнето со различни стилови, незаборавни настапи и композиции што оставиле белег во неговиот уметнички развој.
Концертот ќе биде ретроспектива на неговите музички почетоци, вклучувајќи го периодот со рок-групата „Деус“ од 1984 година, потсетување на култните настапи на „Макфест“, но и дел од успешната концертна серија „Музичка прошетка“, со композиции на француски, португалски и шпански јазик.
Публиката ќе има можност да ужива и во безвременските композиции на маестро Драган Ѓаконовски – Шпато, како и во џез-стандардите од репертоарот на легендарниот Френк Синатра. Посебно место ќе имаат и премиерните изведби на авторски композиции на самиот Апелгрен, како и дела напишани специјално за него од истакнатиот македонски џез-пијанист, композитор и аранжер Гордан Спасовски.
За музичката магија да биде комплетна, Апелгрен ќе настапи со џез-комбо состав со кој често соработува, овојпат збогатен со гудачки квартет. Специјален гостин на вечерта ќе биде нашиот реномиран џез-контрабасист Мартин Ѓаконовски, музичар со богато меѓународно искуство и соработки со врвни светски џез-имиња.
Интересен момент е што Ѓаконовски е дел од музичката приказна на Апелгрен уште од неговите први џез-чекори, како член на составот М2, со кој започнува неговото посериозно навлегување во џез-музиката.
Музичките аранжмани и адаптации за овој специјален концерт ги потпишува Гордан Спасовски, кој во 2026 година победи на светски натпревар за најдобра џез-композиција за биг-бенд во Холандија.
Јубилејот „40 лета музика“ не е само потсетување на четири децении кариера, туку и прослава на музиката што ги надминува границите на жанровите и јазиците. Вечер во која македонската музичка традиција, светските џез-стандарди и современото авторско творештво ќе се сретнат на една сцена.
Јубилејниот концерт на Џон Илија Апелгрен ќе се одржи на 31 октомври 2026 година, со почеток во 20 часот, во Големата сала на Македонскиот народен театар во Скопје.
Вечер за љубителите на квалитетната музика, за оние што ги следат четирите децении творештво на Апелгрен, но и за сите што сакаат да доживеат врвна музичка уметност – „светско, а наше“!
-
Шоу Бизпред 7 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 6 месециДарко Билбиловски претстави нова песна исполнета со емоција – „Само да си моја“
-
Шоу Бизпред 6 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 3 месециЅвездени носталгии тема – Горчлива чаша 14.07.2026
-
Шоу Бизпред 6 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 5 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 6 месециМладата Викторија Ефтимова го претстави новиот сингл „Идеали“
-
Шоу Бизпред 3 месециЅвездени носталгии тема – Гламур 07.07.2026