Шоу Биз

ОД МАКЕДОНИЈА ДО ИСИК-КУЛ – Васил Ангелов со победа на „Echo of Nomads“

Објавено

пред 1 месец

на

септември 8, 2026

Од

Цаци

Македонската музика повторно се најде во центарот на вниманието на меѓународната сцена. Младиот музичар Васил Ангелов освои прво место според гласовите на стручното жири на престижниот интернационален музички натпревар „Echo of Nomads“, кој се одржува во Киргистан.

Натпреварот е дел од богатата културна програма на шестите Светски номадски игри, а музичкото случување се одржа во Чолпон-Ата, живописниот град сместен на брегот на езерото Исик-Кул.

Ангелов беше македонскиот претставник меѓу 21 изведувач од 20 земји од светот, а со својот настап успеа да го освои највисокото место според оценките на жирито.

„Echo of Nomads“ има за цел на едно место да ги обедини различните музички традиции и култури, но истовремено да покаже како традиционалното музичко наследство може да добие современ израз. Изведувачите се натпреваруваат во две категории – „Ethno-Hit“ и „World Hit“, со што натпреварот претставува вистинска музичка средба на различни народи и култури.

Успехот на Васил Ангелов е особено значаен бидејќи македонската музика ја претставуваше пред публика и професионалци од голем број земји, уште еднаш потврдувајќи дека талентот од Македонија има свое место и на големите меѓународни сцени.

Финалето и официјалното доделување на наградите се одржуваа на 4 септември, по што целата манифестација беше заокружена со голем гала-концерт.

За младиот македонски музичар, пак, ова е значаен чекор напред во кариерата и уште една потврда дека посветеноста, талентот и препознатливиот музички израз можат да стигнат и многу подалеку од домашната сцена.

Васил Ангелов од Киргистан се врати со првото место од жирито, успех кој е и негов личен триумф, но и убаво меѓународно признание за македонската музика.

Поврзани теми:

Следно

Среќен 35-ти роденден Македонијо

Не пропуштајте

Битола повторно во знакот на филмот: „Браќа Манаки“ ги носи светските кинематографски ѕвезди

Продолжи со читање

Шоу Биз

ЏОН ИЛИЈА АПЕЛГРЕН ОДБЕЛЕЖУВА 40 ГОДИНИ МУЗИЧКА КАРИЕРА СО ЕКСКЛУЗИВЕН ЈУБИЛЕЕН КОНЦЕРТ ВО МНТ!

Објавено

пред 16 часа

на

октомври 14, 2026

Од

Цаци

Македонската музичка сцена се подготвува за вечер посветена на врвната музика, џезот и уметноста! Еден од најпрепознатливите македонски џез-вокалисти, Џон Илија Апелгрен, на 31 октомври ќе одбележи четири децении музичко творештво со голем јубилеен концерт во Македонскиот народен театар во Скопје.

Под насловот „40 лета музика“, Апелгрен ја носи публиката на музичко патување низ својата богата кариера, исполнето со различни стилови, незаборавни настапи и композиции што оставиле белег во неговиот уметнички развој.

Концертот ќе биде ретроспектива на неговите музички почетоци, вклучувајќи го периодот со рок-групата „Деус“ од 1984 година, потсетување на култните настапи на „Макфест“, но и дел од успешната концертна серија „Музичка прошетка“, со композиции на француски, португалски и шпански јазик.

Публиката ќе има можност да ужива и во безвременските композиции на маестро Драган Ѓаконовски – Шпато, како и во џез-стандардите од репертоарот на легендарниот Френк Синатра. Посебно место ќе имаат и премиерните изведби на авторски композиции на самиот Апелгрен, како и дела напишани специјално за него од истакнатиот македонски џез-пијанист, композитор и аранжер Гордан Спасовски.

За музичката магија да биде комплетна, Апелгрен ќе настапи со џез-комбо состав со кој често соработува, овојпат збогатен со гудачки квартет. Специјален гостин на вечерта ќе биде нашиот реномиран џез-контрабасист Мартин Ѓаконовски, музичар со богато меѓународно искуство и соработки со врвни светски џез-имиња.

Интересен момент е што Ѓаконовски е дел од музичката приказна на Апелгрен уште од неговите први џез-чекори, како член на составот М2, со кој започнува неговото посериозно навлегување во џез-музиката.

Музичките аранжмани и адаптации за овој специјален концерт ги потпишува Гордан Спасовски, кој во 2026 година победи на светски натпревар за најдобра џез-композиција за биг-бенд во Холандија.

Јубилејот „40 лета музика“ не е само потсетување на четири децении кариера, туку и прослава на музиката што ги надминува границите на жанровите и јазиците. Вечер во која македонската музичка традиција, светските џез-стандарди и современото авторско творештво ќе се сретнат на една сцена.

Јубилејниот концерт на Џон Илија Апелгрен ќе се одржи на 31 октомври 2026 година, со почеток во 20 часот, во Големата сала на Македонскиот народен театар во Скопје.

Вечер за љубителите на квалитетната музика, за оние што ги следат четирите децении творештво на Апелгрен, но и за сите што сакаат да доживеат врвна музичка уметност – „светско, а наше“!

Продолжи со читање