Шоу Биз

Антониа Гиговска со спектакуларна промоција на новиот албум „Жена“ во Сули Ан

Објавено

пред 2 месеци

на

јуни 10, 2026

Од

Македонската поп-пејачка Антониа Гиговска го претстави својот најнов музички проект – албумот „Жена“, кој беше промовиран на 7 јуни во амбиентот на Сули Ан во Старата скопска чаршија. Настанот привлече голем број гости од јавниот живот, музички соработници, новинари, пријатели и членови на семејството.

Албумот содржи девет песни, од кои пет се нови композиции, а четири веќе ѝ се познати на публиката. Меѓу нив се и „7 дена, 7 ноќи“, „Папилеј“, „Хемисфери“, „Немој да ме палиш“ и „Прво види се себе“, кои веќе се достапни на нејзините официјални музички платформи.

Вечерта започна со средба со медиумите, каде што Гиговска зборуваше за создавањето на албумот, инспирацијата зад песните и соработката со долгогодишните музички автори Дарко Димитров и Лазар Цветкоски. Таа истакна дека токму нивната креативна енергија и професионалност придонеле албумот да добие препознатлив музички печат.

Сули Ан беше претворен во елегантен простор исполнет со декоративни детали, со што се создаде атмосвера достојна на светска ѕвезда. За музичката подлога во текот на вечерта беше задолжен диџеј Галоски, додека дополнителна динамика внесе настапот на неколку улични артисти.

На сцената се појави во впечатлива модна креација инспирирана од античките мотиви, таа пристигна на несекојдневен начин, со што предизвика воодушевување кај присутните.

Пред публиката беа претставени сите песни од новиот албум, придружени со специјално подготвени видео-содржини. Особени емоции предизвика изведбата на насловната песна „Жена“, кога на сцената ѝ се придружи нејзиниот сопруг Роберт Спасенцовски. Во акустична верзија со пијано придружба, тие ја изведоа композицијата која во изминатиот период стана еден од нејзините најпрепознатливи хитови.

За крај на вечерта следуваше музичко изненадување. На сцената се појави легендарната Благица Павловска, која заедно со Антониа ја отпеа познатата песна „Чукај, срце, чукај“, предизвикувајќи силни емоции и долг аплауз од присутните.

Со новиот албум „Жена“, Антониа Гиговска уште еднаш покажува дека успешно го гради својот музички пат и дека останува едно од најзначајните имиња на младата македонска музичка сцена.

Поврзани теми:

Следно

Сопствена сопственост

Не пропуштајте

Премиер Бенд – музички состав која создава незаборавни моменти

Продолжи со читање

Шоу Биз

Берово ја отвора вратата кон Малешевијата – три дена етно, традиција, музика и малешевски вкусови

Објавено

пред 1 ден

на

август 23, 2026

Од

Цаци

Естрада.мк продолжува да ги следи и претставува културните случувања низ Македонија, особено оние настани кои ја чуваат традицијата, фолклорот, музиката и автентичниот дух на македонските краеви. Овојпат патот нè води кон истокот на земјата, во Берово, каде од 27 до 29 август ќе се одржи „Етно Фестивал Берово 2026“, заедно со Саемот на традиционални малешевски производи „Малешевијата на дланка“.

Три фестивалски денови ќе го претворат Берово во вистински центар на традицијата, фолклорот, музиката, домашните специјалитети, ракотворбите и малешевското гостопримство. Организаторите најавуваат програма во која традиционалното ќе се сретне со современата музика, а посетителите ќе имаат можност не само да слушнат добра музика, туку и да ги запознаат автентичните производи и вкусови на Малешевијата.

Фестивалот започнува во четврток, 27 август, со свечено отворање во 18:30 часот. Вечерта е посветена на фолклорот и традицијата, со настапи на КУД „Димитар Беровски“ – Берово, културно-уметнички друштва од регионот и од збратимените општини.

За музичкиот дел од првата фестивалска вечер се најавени Синтезис, Браво бенд и DJ Drash, што ветува интересна спојка на традиционалното и современото.

Вториот ден, 28 август, со почеток во 20 часот, следува концертната вечер на која ќе настапат Давид Темелков, Гоца Тржан, Тропико бенд и Феникс бенд.

Фестивалот завршува во сабота, 29 август, со почеток во 19:30 часот, со голема завршна фестивалска вечер. Публиката ќе може да ужива во малешевски зурли и тапани, Уска Кан, Игор Димовски & Пауза за ракија, Пеца Јовановиќ и Ангел и Иван.

Покрај музичката и фолклорната програма, особено место во фестивалот има саемот „Малешевијата на дланка“, преку кој ќе бидат претставени традиционални малешевски производи, домашни специјалитети, ракотворби и други локални производи.

Токму ваквите манифестации се можност традицијата да не остане само спомен од минатото, туку да продолжи да живее – преку песната, носијата, старите занаети, храната и луѓето кои со љубов го пренесуваат наследството од една на друга генерација.

Берово со оваа манифестација ја промовира Малешевијата како културна и туристичка дестинација, а посетителите ќе имаат можност да го почувствуваат духот на овој прекрасен крај и да се запознаат со неговото богато наследство.

Три дена музика, фолклор, традиција, домашни вкусови и малешевско гостопримство ќе го исполнат Берово, а градот уште еднаш ќе покаже дека културниот живот во Македонија се создава насекаде – од најголемите градови до најмалите места.

А Естрада.мк продолжува да биде таму каде што се случуваат убавите македонски приказни, да ги открива, да ги следи и да ги доближува до своите читатели.

Од 27 до 29 август – Берово ве очекува на „Етно Фестивал Берово 2026“ и „Малешевијата на дланка“.

Продолжи со читање