Шоу Биз

Осум години музика, љубов и посветеност – Бедндот на браќата Нуне најавија два нови албуми и 16 песни со видеоспотови

Објавено

пред 5 месеци

на

мај 11, 2026

Од

По повод осум години активно присуство на македонската музичка сцена, Бендот на браќата Нуне денес одржа прес-конференција на која ги споделија своите досегашни успеси, идни планови и нови музички проекти со кои ќе ја израдуваат својата публика.

Музичарите, кои во изминатите години станаа препознатливи по големиот број препеви, овојпат најавија нешто сосема поинакво и многу позначајно за нивната кариера, два нови албуми со вкупно 16 песни. Едниот албум ќе содржи осум народни композиции и ќе го носи насловот „Љубов“, додека вториот, со осум забавни песни, ќе биде објавен под името „Верувај ми“.

На средбата со новинарите тие истакнаа дека сакаат на своите верни слушатели да им подарат музика во која ќе може секој да се пронајде, без разлика дали повеќе ја сака народната или забавната музика.

„Се надеваме дека публиката ќе ужива во тоа што подеднакво пливаме и во народната и во забавната музика. Нашата најголема желба е да создадеме песни што ќе допрат до срцата на луѓето“, истакнаа браќата Нуне.

Во рамки на прес-конференцијата беа промовирани и два нови видеоспота, забавната песна „Љубов што е љубов“ и народната композиција „Тапаните силно ми чукаат“. Според бендот, сите песни од двата албуми ќе бидат инспирирани и посветени на љубовта, тема која, како што велат, е неисцрпна и секогаш блиска до публиката.

Тие открија и амбициозен план за наредниот период, на секои две недели да објавуваат по една нова песна проследена со видеозапис, со цел до септември сите 16 песни да бидат комплетно претставени пред јавноста. По објавувањето на албумите, бендот планира и голема промоција со која ќе го одбележи овој значаен музички проект.

На прашањето од новинарите кој албум, според нив, ќе има поголем успех, народниот или забавниот членовите на бендот одговорија дипломатски и со почит кон публиката.

„Тој избор им го оставаме на слушателите. Нашата цел е да создадеме квалитетна музика што ќе му се допадне на народот, а публиката најдобро знае што чувствува“, порачаа тие.

Поврзани теми:

Следно

Антониа Гиговска повторно во трендинг модерната „Чукај, чукај“ стана хит

Не пропуштајте

Зона М1 се слуша и под вода – нова можност за пораки од дијаспората

Продолжи со читање

Шоу Биз

ЏОН ИЛИЈА АПЕЛГРЕН ОДБЕЛЕЖУВА 40 ГОДИНИ МУЗИЧКА КАРИЕРА СО ЕКСКЛУЗИВЕН ЈУБИЛЕЕН КОНЦЕРТ ВО МНТ!

Објавено

пред 16 часа

на

октомври 14, 2026

Од

Цаци

Македонската музичка сцена се подготвува за вечер посветена на врвната музика, џезот и уметноста! Еден од најпрепознатливите македонски џез-вокалисти, Џон Илија Апелгрен, на 31 октомври ќе одбележи четири децении музичко творештво со голем јубилеен концерт во Македонскиот народен театар во Скопје.

Под насловот „40 лета музика“, Апелгрен ја носи публиката на музичко патување низ својата богата кариера, исполнето со различни стилови, незаборавни настапи и композиции што оставиле белег во неговиот уметнички развој.

Концертот ќе биде ретроспектива на неговите музички почетоци, вклучувајќи го периодот со рок-групата „Деус“ од 1984 година, потсетување на култните настапи на „Макфест“, но и дел од успешната концертна серија „Музичка прошетка“, со композиции на француски, португалски и шпански јазик.

Публиката ќе има можност да ужива и во безвременските композиции на маестро Драган Ѓаконовски – Шпато, како и во џез-стандардите од репертоарот на легендарниот Френк Синатра. Посебно место ќе имаат и премиерните изведби на авторски композиции на самиот Апелгрен, како и дела напишани специјално за него од истакнатиот македонски џез-пијанист, композитор и аранжер Гордан Спасовски.

За музичката магија да биде комплетна, Апелгрен ќе настапи со џез-комбо состав со кој често соработува, овојпат збогатен со гудачки квартет. Специјален гостин на вечерта ќе биде нашиот реномиран џез-контрабасист Мартин Ѓаконовски, музичар со богато меѓународно искуство и соработки со врвни светски џез-имиња.

Интересен момент е што Ѓаконовски е дел од музичката приказна на Апелгрен уште од неговите први џез-чекори, како член на составот М2, со кој започнува неговото посериозно навлегување во џез-музиката.

Музичките аранжмани и адаптации за овој специјален концерт ги потпишува Гордан Спасовски, кој во 2026 година победи на светски натпревар за најдобра џез-композиција за биг-бенд во Холандија.

Јубилејот „40 лета музика“ не е само потсетување на четири децении кариера, туку и прослава на музиката што ги надминува границите на жанровите и јазиците. Вечер во која македонската музичка традиција, светските џез-стандарди и современото авторско творештво ќе се сретнат на една сцена.

Јубилејниот концерт на Џон Илија Апелгрен ќе се одржи на 31 октомври 2026 година, со почеток во 20 часот, во Големата сала на Македонскиот народен театар во Скопје.

Вечер за љубителите на квалитетната музика, за оние што ги следат четирите децении творештво на Апелгрен, но и за сите што сакаат да доживеат врвна музичка уметност – „светско, а наше“!

Продолжи со читање