Шоу Биз

Зона М1 се слуша и под вода – нова можност за пораки од дијаспората

Објавено

пред 3 месеци

на

април 30, 2026

Од

Цаци

Радио Зона М1 продолжува да ја оправдува својата мисија, да биде глас што обединува, забавува и поврзува, без разлика на тоа каде се наоѓаат неговите слушатели. Доказ за тоа е и најновата, навистина необична локација од која пристигна фотографија, слушање на програмата во познатиот Elbe Tunnel, подводен автопатски тунел под реката Елба во Hamburg.

Овој тунел, дел од автопатот А7 и еден од најфреквентните во Европа, стана симболично место кое покажува колку далеку допира позитивната енергија што ја шири Радио Зона М1, дури и под вода.

Радиото емитува музика 24 часа дневно, 7 дена во неделата, а за време на викендите ја збогатува програмата со емисии во живо, познати како „Балкански радио забави“. Во нив слушателите активно учествуваат – испраќаат СМС-пораки, поздрави, честитки за посебни поводи, споделуваат шеги и нарачуваат песни по свој избор. На тој начин, преку етерот се создава жива комуникација исполнета со топлина, блискост и позитивна енергија.

Иако базирано во Скопје, Радио Зона М1 одамна ги надмина локалните граници. Преку својата веб-страница www.zonam1radio.com.mk, радиото го слушаат Македонци и љубители на балканската музика ширум светот – од земјите во регионот како Хрватска, Црна Гора и Словенија, па сè до Белгија, Велика Британија, Германија, Франција и многу други држави.

Слушателите редовно испраќаат фотографии од местата каде ја следат програмата, во дворови со пријатели, на работни места, за време на патувања. Но токму фотографијата од подводниот тунел во Хамбург се издвојува како најнеобична и највпечатлива локација, потврдувајќи дека музиката и емоцијата не познаваат граници.

Во насока на уште поголема поврзаност со дијаспората, Радио Зона М1 воведе и нова можност, испраќање пораки преку веб-страницата www.zonam1radio.com.mk , со симболична наплата по избор на слушателите. Подолу сликовито е објаснет начинот на кој може да испраќате пораки ако сте надвор од Македонија. Ова им овозможува на сите што се надвор од Македонија уште полесно да комуницираат со своите блиски и да бидат дел од радиопрограмата, каде и да се наоѓаат.

Од тимот на Радио Зона М1 упатуваат искрена благодарност до сите слушатели во Македонија и низ светот, за довербата, поддршката и љубовта што ја споделуваат секојдневно.

„Останете на фреквенцијата што има за цел да биде поблиску до народот, да шири позитивна енергија и љубов“ порачуваат од радиото, кое очигледно веќе одамна го надмина просторот и границите само за да биде поблиску до своите верни слушатели.

Поврзани теми:

Следно

Осум години музика, љубов и посветеност – Бедндот на браќата Нуне најавија два нови албуми и 16 песни со видеоспотови

Не пропуштајте

По 11 години пауза – Меморијален турнир во мал фудбал во чест на Роберт Петковски

Продолжи со читање

Шоу Биз

Сузана Манчиќ доаѓа на „Охрид Фест“ – Во Охрид ќе прослави 50 години кариера

Објавено

пред 1 ден

на

август 6, 2026

Од

Цаци

Една од најпрепознатливите дами на балканската естрада, Сузана Манчиќ, годинава ќе биде специјална гостинка на 33. издание на Интернационалниот музички фестивал „Охрид Фест – Охридски трубадури“. Таа ќе настапи на Интернационалната фестивалска вечер, носејќи ја на охридската сцена својата препознатлива харизма, шарм и позитивна енергија.

Нејзиното гостување во Охрид ќе има и посебна симболика. Токму на сцената на „Охрид Фест“, Сузана Манчиќ ќе одбележи импресивни 50 години од својата богата и успешна кариера – пет децении исполнети со музика, телевизија, актерство и незаборавни моменти поради кои со години важи за една од најпознатите и најомилените јавни личности на просторите на поранешна Југославија.

Во разговор по повод нејзиното доаѓање во Македонија, Манчиќ откри дека иако многупати гостувала во земјава, ова ќе биде нејзин прв настап на „Охрид Фест“.

„Безброј пати сум била во Македонија, но за првпат доаѓам на ‘Охрид Фест’ и навистина сум многу среќна поради тоа. Ќе ја изведам дуетската песна со Ѓоле Боем, дело на композиторот Григор Копров. Песната веќе ја снимивме, а мојот колега постојано ме прашува дали ја вежбам. Не знае со кого си има работа – кога еднаш ќе научам нешто, тоа останува научено“, вели Сузана низ смеа.

Охрид за неа не е непозната дестинација. Напротив, како што раскажува, со градот ја врзуваат бројни спомени – од училишни екскурзии, преку настапи и концерти, па сè до летување со нејзините ќерки додека биле мали.

„Во Охрид сум била безброј пати. Моите ќерки и денес се сеќаваат на зборовите ‘благодарам’ и ‘како се викаш?’, кои тогаш ги научија и со насмевка ги изговараат“, открива таа.

Кога зборува за својата долга кариера, Манчиќ признава дека спомените се толку многубројни што решила да ги преточи во две автобиографски книги.

„Имам навистина многу спомени и тие траат цел живот. Во книгите ги собрав најинтересните приказни од мојот живот и кариерата. За жал, сè уште не се преведени на македонски јазик“, вели таа.

Публиката на „Охрид Фест“ од неа може да очекува, пред сè, добра песна и добро расположение.

„Добрата песна е добра песна. Единственото изненадување може да биде само тоа што ќе го облечам. Очекувам средби со нови и стари колеги, мало возење по езерото и еден блескав охридски бисер“, додава Сузана.

Осврнувајќи се на денешната музичка сцена, таа има јасна порака за младите изведувачи: „Упорност. И само упорност. Популарноста е расиплива стока – денес сте ѕвезда, утре ве нема никаде. Затоа се потребни памет, внимателен избор на песни и соработници, професионалност и постојана работа на себе.“

Но ова лето за Сузана Манчиќ е посебно и поради уште една причина. Само пред неколку дена таа за првпат стана баба, а емоциите околу доаѓањето на внучето не ги крие.

„Имав огромна трема, поголема отколку кога јас се породив. Утрото ми јавија дека сè поминало добро и дека и бебето и мајката се во добра состојба. Тоа беше чувство на неизмерна среќа и гордост. Мојата Теодора стана мајка“, раскажува таа емотивно.

Особено ја трогнало тоа што нејзината помлада ќерка Наталија присуствувала на породувањето и цело време ја бодрела својата сестра.

„Сè уште не сум целосно свесна за промените што допрва следуваат. Кај мене тие доаѓаат како некоја втора, одложена реакција“, искрено признава Сузана.

На прашањето што би сакала еден ден нејзиниот внук да знае за неа, таа одговара со препознатливата ведрина:

„Ќе знае дека неговата баба била убава, весела и успешна жена, која оставила свој белег.“

И за крај, Сузана Манчиќ испрати топла порака до македонската публика и до сите љубители на „Охрид Фест“.

„Се надевам дека македонската публика не ме заборавила, а ако ме заборавила, ќе имаме можност повторно да се запознаеме. Голем поздрав до сите! Со нетрпение чекам да се видиме и заедно да запееме!“

Со ваква искреност, шарм и животна енергија, настапот на Сузана Манчиќ несомнено ќе биде еден од најемотивните и највпечатливите моменти на годинашното издание на „Охрид Фест – Охридски трубадури“.

Продолжи со читање