Народна

Васка Илиева – гласот што ја претвори македонската песна во идентитет

Објавено

пред 3 месеци

на

април 25, 2026

Од

Цаци

Естрада.мк продолжува со сведоштвата дека и песната може да биде најсилен чувар на идентитетот, потсетувајќи на уметниците кои преку своите гласови го овековечиле животот, чувствата и духот на македонскиот народ.

Овој пат, во фокусот е доајенот на македонската народна песна Васка Илиева, една од најпознатите и најпочитувани изведувачки во македонската музичка историја.

Нејзината музичка кариера започнува уште пред 1950 година, како дел од Државниот ансамбл за народни песни и игри Танец. Со својот неповторлив глас, автентичен стил и силна емоција во интерпретацијата, таа многу брзо го освојува срцето на публиката.

Популарноста на Илиева не останува ограничена само на Македонија. Таа настапува на безброј концерти низ тогашна Југославија, но и ширум светот, секаде каде што живеат Македонци, носејќи ја со себе македонската песна како дел од националниот идентитет.

Нејзиниот богат репертоар вклучува безвременски песни како „Земјо македонска“, „Имала мајка“, „Излегол Невен Пејо“, „Аир да не сториш мајко“, „Сестра кани брата на вечера“ и многу други, кои и денес се пеат со истата емоција и почит.

За време на својата долга и плодна кариера, Васка Илиева добива епитети што најдобро ја опишуваат нејзината големина „Жива легенда“ на македонската народна песна, „Кралица на македонската народна песна“ и „Амбасадор на македонската народна музика“. Нејзиниот глас одекнува на сите континенти каде постои и опстојува македонец, пренесувајќи ја приказната за Македонија, нејзината традиција, љубов, тага и непоколеблив патриотизам.

Со секоја испеана строфа, таа не само што ја претставуваше македонската музика, туку ја живееше. Нејзиното творештво е одраз на македонската душа искрена, силна и длабоко емотивна.

Зад себе остави богата музичка ризница, над 800 снимени песни за Македонското радио, повеќе од 150 плочи и касети, од кои околу 70 се нејзино авторско дело. Иако автор на многу од песните што ги изведуваше, тие со текот на времето станаа дел од народното богатство, како да постоеле отсекогаш.

Васка Илиева со своето големо македонско срце и живот посветен на песната замина во легендите, но нејзиниот глас останува да живее. Нејзините песни денес се дел од бесмртните рефрени, потсетник дека токму преку музиката се чуваат корените и се негува идентитетот.

Поврзани теми:

Следно

Дарко Билбиловски претстави нова песна исполнета со емоција – „Само да си моја“

Не пропуштајте

Песните од Егејот – тивкиот отпор што го чува македонскиот идентитет

Продолжи со читање

Народна

Туѓината, емоцијата и Македонија во една песна – На 2 август излегува „Летај соколе“ на Горд Македонец и Стефанија Костадинова

Објавено

пред 1 ден

на

јули 31, 2026

Од

Цаци

На македонската музичка сцена се раѓа една нова, искрена и силно емотивна приказна, создадена од две млади личности кои ги спојува нешто многу поголемо од музиката, а тоа е љубовта кон Македонија и љубовта кон песната.

Димче Ѓорѓиовски, момчето кое стои зад препознатливиот профил „Горд Македонец“, за кого Естрада.мк веќе пишуваше, одамна не е само интернет лик. Тој стана симбол на млад човек кој со огромна страст ја промовира Македонија, нејзините традиции, песна, музика и корени. Во време кога многумина забораваат од каде потекнуваат, Димче со секоја своја објава потсетува дека македонскиот дух сè уште живее силно.

Од другата страна е младата и исклучително талентирана Стефанија Костадинова, девојка која има само 16 години, но зад себе веќе носи сериозна музичка приказна. Нејзината љубов кон музиката започнала уште на тригодишна возраст, а уште како дете чувствувала дека песната е нејзиниот животен пат. На само 12 години почнува да објавува видеа на социјалните мрежи, а токму таму нејзиниот талент почнува да привлекува внимание. Следуваат настапи на регионални и државни натпревари по соло пеење, каде што освојува бројни први места и признанија.

Големиот пресврт доаѓа во 2024 година, кога Стефанија учествува на „Македонско Талент Шоу“. Иако имала само 14 години, успева да победи и како награда ја добива својата прва авторска песна – „Заспана убавица“. Потоа настапува и на Art In Festival, каде што освојува фантастични 99 поени и прва награда, а нејзиниот талент ја носи и на престижното музичко натпреварување Hype Zvezde, каде што како најмлада натпреварувачка на само 16 години се пласира меѓу топ 20 финалистите.

И токму тука започнува приказната која деновиве привлекува огромно внимание. Димче и Стефанија ги спои нивниот нов дует „Летај соколе“, песна која носи силна емоција и порака што ќе ја почувствува секој Македонец, без разлика дали живее дома или далеку од татковината. Текстот е дело на Димче Ѓорѓиовски, музиката ја создава тој со делумна помош на AI технологија, додека видеоспотот е реализиран во соработка со Дејан Горгиев и Balkan Music TV. Мизиката е снимена во Д1 студио кај Јован Василевски од Тетово кој што направи Master&voc recording на песната. Димче исто така упатува благодарност до неговите помагатели ,,Македонско катче” од Скопје, до сите оние кои им помогнаа околу костимите и македонските народни носии, а тоа се: Дом на Култура ..Илинден” Демир Хисар, Академија “Еуроарт” и Ансамбл “Јанко Глигоров” Свети Николе.

Песната зборува за туѓината, разделбата, копнежот по родниот крај и судбината на Македонецот кој често мора да замине далеку, но никогаш не ја заборава својата земја. Во неа се испреплетуваат младешката енергија, патриотската емоција и современиот музички пристап, што ја прави уште поинтересна за публиката.

Стефанија не ја крие својата благодарност за оваа соработка и со искрени зборови вели: „Сакам да упатам едно огромно благодарам до човекот кој успеа да ме претстави како бисер пред македонскиот народ и човекот кој ми ја пружа најголемата поддршка, а тоа е Димче Ѓорѓиовски, уште познат како Горд Македонец. Баш ми е мило што го запознав и што ми ја пружи шансата да направиме македонски дует ‘Летај соколе’. Пресреќна сум. А во иднина ве очекуваат и нови соработки со него, односно нови проекти.“

Овие зборови јасно покажуваат дека меѓу нив не се раѓа само музичка соработка, туку и силна уметничка и човечка поддршка. Не е случајно што промоцијата на „Летај соколе“ е закажана за 2 август, ден со огромно историско и емоционално значење за македонскиот народ. Многумина веќе ја очекуваат песната како вистинска патриотска и емотивна музичка приказна која може да допре до срцата на Македонците ширум светот.

Стефанија испрати и искрена порака до своите поддржувачи: „Сакам јавно на сите да се заблагодарам за целата поддршка што ми ја пружате. Започнав од нула, а сега стигнав до 4700 следачи на Инстаграм. Ве сакам!“

Токму оваа скромност, искреност и благодарност ја прават уште поблиска до публиката. Во време кога младите често се губат во трендови без вредност, Димче Ѓорѓиовски и Стефанија Костадинова испраќаат поинаква порака, дека македонската песна, традиција и емоција сè уште имаат иднина.

Останува на 2 август да ја слушнеме „Летај соколе“ и да видиме дали оваа песна ќе стане новиот глас на младата генерација која сака да ја носи Македонија во срцето, каде и да се наоѓа. 🇲🇰🎶

Продолжи со читање