Некатегоризирано
Магија во филхармонија – Јоце Панов со концерт за паметење – емоции и еуфорија до самиот крај!
Во преполната сала на Македонска филхармонија, синоќа се одржа долго најавуваниот концерт на Јоце Панов, кој на публиката ѝ приреди вечер за паметење, исполнета со силни емоции, енергија и бројни изненадувања.
Непосредно пред почетокот, Панов преку социјалните мрежи ја изрази својата возбуда и благодарност за поддршката која ја добива повеќе од 25 години. Таа емоција се пренесе и на сцената, каде заедно со над 40 музичари создаде атмосфера што публиката ја следеше од првиот до последниот момент.
Концертот се одвиваше во динамичен и разигран ритам, со внимателно избран репертоар. Покрај неговите добро познати хитови, Панов ги изведе и своите две нови песни „Нема ме више“ и „Жено вистинска“, кои беа одлично прифатени од присутните.
Вечерта беше збогатена и со специјални гости. На сцената му се придружија Наум Петрески и Сале Тропико. Посебен момент предизвика заедничката изведба со Петрески на легендарната песна „За Милица“, која публиката ја пееше во еден глас.
Дополнителни изненадувања ја одбележаа вечерта. Како гостин се појави и синот на Јоце, Лука, кој изведе португалска песна и внесе поинаква музичка нота во програмата. На сцената се приклучи и оркестар од Берово, со кој Панов ја изведе „Во туѓина“, предизвикувајќи силни емоции кај публиката.
Во текот на концертот, пејачот во еден момент се симна меѓу присутните, воспоставувајќи директен контакт со своите обожаватели и дополнително ја зближувајќи атмосферата.
На настанот присуствуваше и екипа на Радио Зона М1, која одблиску го проследи целиот концерт и атмосферата во салата.
По завршувањето, Панов повторно се обрати до публиката, истакнувајќи дека вечерта била „магична“ и незаборавна. Тој најави дека нема да чека до следната година за нов концерт, туку дека веќе размислува за нов настап кој би се реализирал уште во текот на оваа година.
Со овој концерт, Јоце Панов уште еднаш ја потврди својата силна врска со публиката и своето значајно место на македонската музичка сцена.
Некатегоризирано
Младата Викторија Ефтимова го претстави новиот сингл „Идеали“
Младата македонска пејачка Викторија Ефтимова (21) го промовираше својот најнов сингл „Идеали“, со кој најавува поинаков музички правец и амбиција за летен хит. Промоцијата се одржа на 2 април во кафе барот „Мартини“ во Скопје, каде пред присутните беше претставен и видеоспотот за песната.
Настанот беше заокружен со настап во живо, при што Ефтимова, придружувана од својот бенд, изведе дел од своите песни, вклучувајќи го и новиот сингл. Таа е веќе препознатлива кај помладата публика, особено на социјалната мрежа ТикТок, каде брои повеќе од 146 илјади следбеници и речиси три милиони допаѓања.
„Идеали“ претставува летна поп-композиција, која носи поинаква емоционална и звучна естетика во споредба со нејзините претходни изданија. Песната тематски се осврнува на современиот начин на живот и вредностите во општеството, со акцент на личната перспектива и искрен израз.
Ефтимова се издвојува како комплетен автор на својата музика – таа стои зад текстот, музиката и аранжманот на „Идеали“, како и на сите нејзини досегашни песни. Ова е нејзин десетти сингл по ред, кој ќе биде дел од нејзиниот претстоен албум, најавен за крајот на годината.
Покрај објавените песни, младата авторка има и богата архива од 214 напишани, но сѐ уште необјавени композиции, дел од кои се очекува да бидат претставени во наредниот период, било преку нејзина интерпретација или во изведба на други артисти.
Видеоспотот за „Идеали“ е снимен на Водно, во „Хедон ресорт“, и нуди визуелна приказна со симболика и силна емоционална нота. Во него, покрај повеќе статисти, главната улога ја толкува самата пејачка, прикажувајќи ја темата за губење на сопствениот идентитет во современиот свет.
Покрај поп музиката, Ефтимова има и класично музичко образование. Таа студира соло пеење на Факултетот за музичка уметност во класата на професорката Весна Ѓиновска-Илкова. Како алт-мецосопран, има настапувано на повеќе концерти, вклучително и во Националната опера и балет.
Со новиот сингл „Идеали“, Викторија Ефтимова не само што го зацврстува своето место на домашната музичка сцена, туку и испраќа порака за поголема продуктивност и развој на македонската музика.
-
Шоу Бизпред 2 неделиМала ѕвезда со голем глас – Ива Пауновиќ чекори сигурно кон музичкиот врв!
-
Шоу Бизпред 1 месецСека Алексиќ и Раста на иста сцена во Арена „Јане Сандански“
-
Народнапред 4 денаДа не ги заборавиме корените – Петранка Костадинова
-
ЗАБАВНАпред 2 недели„Оваа недела не е во ред да пееме“: Владо Георгиев го помести својот концерт во Скопје за 24-ти април
-
Шоу Бизпред 3 неделиЈАКОВ ЈОЗИНОВИЌ ДОАЃА ВО СКОПЈЕ – РЕГИОНАЛНАТА СЕНЗАЦИЈА СО ПРВ КОНЦЕРТ ВО МАКЕДОНИЈА
-
Шоу Бизпред 2 дена„ТВОЈА ЗОНА“ Луксузен приватен простор за незаборавни журки – со можност и за професионално снимање на секој момент!
-
Шоу Бизпред 3 недели25 години музика во една вечер – „Љубојна“ со јубилеен концерт во Скопје
-
ЗАБАВНАпред 2 денаНина Спирова – еден од гласовите што ги чува корените