Шоу Биз
ЈАКОВ ЈОЗИНОВИЌ ДОАЃА ВО СКОПЈЕ – РЕГИОНАЛНАТА СЕНЗАЦИЈА СО ПРВ КОНЦЕРТ ВО МАКЕДОНИЈА
Регионално сè попопуларниот изведувач Јаков Јозиновиќ во рамки на својата турнеја за 2026 година, насловена „Ја за чуда летим“, за првпат ќе настапи пред македонската публика. Концертот е закажан за 9 април во Арена „Јане Сандански“ во Скопје.
Настапот во главниот град е дел од големата регионална турнеја што опфаќа повеќе значајни музички центри. Меѓу нив се концерт во Арена Загреб, серија од дури пет настапи во белградскиот Сава Центар, како и концерти во Нови Сад, Риека, Сплит, Осиек и Љубљана.
Турнејата доаѓа во период кога Јозиновиќ го најавува новото поглавје во својата кариера. Неодамна беше објавен и неговиот прв сингл „Поље ружа“, кој веќе привлекува внимание кај публиката и најавува свеж музички правец.
Со зад себе низа успешни и распродадени концерти низ регионот, Јаков Јозиновиќ се профилира како едно од највпечатливите нови имиња на музичката сцена. Неговиот настап во Скопје се очекува да предизвика голем интерес и да донесе уште едно силно концертно доживување за љубителите на современата музика.
Картите за предстојниот концер на Јаков Јозиновиќ се во продажба на МК Тикетс.
Шоу Биз
Ѕвездени носталгии тема – Горчлива чаша 14.07.2026
Секој вторник со почеток од 20Ч до 24Ч Слушајте ја Ѕвездени носталгии на ЗОНА М1 РАДИО
Никој не ја посакува. Никој не се моли за страдање. Но, речиси секој човек што оставил светла трага зад себе, најнапред ја испил својата горчлива чаша. Некој низ болест, некој низ сиромаштија, некој низ предавство, осаменост, загуба или тишина. И токму таму, каде што мислел дека сè завршува, започнувало неговото вистинско созревање.
Можеби затоа животот не нè прашува дали сме подготвени за искушенијата. Тој само нè прашува што ќе станеме откако ќе поминеме низ нив.
Не е голем оној што никогаш не паднал. Голем е оној што по секој пад станувал помудар, посмирен и поспособен да љуби. Не е силен оној што никогаш не заплакал. Силен е оној што и со солзи во очите не ја изгубил верата.
Запомнете… горчливата чаша не е крајот на животот. Таа е почеток на разбирањето. Таа нè учи дека без болка нема сочувство, без искушение нема духовна зрелост, без жртва нема вистинска љубов и без крст нема воскресение.
Додека не ја испиеме својата горчлива чаша, тешко можеме вистински да ја разбереме радоста. Не можеме целосно да го цениме здравјето додека не ја почувствуваме болеста, ниту верноста додека не го доживееме предавството, ниту Божјата близина додека не ја поминеме долината на тишината.
И кога еден ден ќе дојде мигот да си заминеме од овој свет, нема да биде важно колку лесен бил нашиот живот. Ќе биде важно дали сме ја испиле својата чаша со достоинство, со вера и со љубов, оставајќи зад себе мир, добрина и светлина во срцата на оние што ќе продолжат да живеат.
Нека Бог ви даде сила да ја носите секоја своја животна чаша, мудрост да ја разберете нејзината смисла и вера никогаш да не ја изгубите надежта. Зашто по секоја темнина доаѓа светлина, по секој крст воскресение, а по секоја горчлива чаша ако е испиена со вера доаѓа мирот што останува засекогаш.
Секој вторник со почеток од 20Ч до 24Ч Слушајте ја Ѕвездени носталгии на ЗОНА М1 РАДИО
-
Шоу Бизпред 4 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 3 месециДарко Билбиловски претстави нова песна исполнета со емоција – „Само да си моја“
-
Шоу Бизпред 3 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 3 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 2 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 4 месециМладата Викторија Ефтимова го претстави новиот сингл „Идеали“
-
Шоу Бизпред 1 неделаЅвездени носталгии тема – Гламур 07.07.2026
-
Шоу Бизпред 5 месециСека Алексиќ и Раста на иста сцена во Арена „Јане Сандански“