Шоу Биз

ЈАКОВ ЈОЗИНОВИЌ ДОАЃА ВО СКОПЈЕ – РЕГИОНАЛНАТА СЕНЗАЦИЈА СО ПРВ КОНЦЕРТ ВО МАКЕДОНИЈА

Објавено

пред 7 месеци

на

март 17, 2026

Од

Цаци

Регионално сè попопуларниот изведувач Јаков Јозиновиќ во рамки на својата турнеја за 2026 година, насловена „Ја за чуда летим“, за првпат ќе настапи пред македонската публика. Концертот е закажан за 9 април во Арена „Јане Сандански“ во Скопје.

Настапот во главниот град е дел од големата регионална турнеја што опфаќа повеќе значајни музички центри. Меѓу нив се концерт во Арена Загреб, серија од дури пет настапи во белградскиот Сава Центар, како и концерти во Нови Сад, Риека, Сплит, Осиек и Љубљана.

Турнејата доаѓа во период кога Јозиновиќ го најавува новото поглавје во својата кариера. Неодамна беше објавен и неговиот прв сингл „Поље ружа“, кој веќе привлекува внимание кај публиката и најавува свеж музички правец.

Со зад себе низа успешни и распродадени концерти низ регионот, Јаков Јозиновиќ се профилира како едно од највпечатливите нови имиња на музичката сцена. Неговиот настап во Скопје се очекува да предизвика голем интерес и да донесе уште едно силно концертно доживување за љубителите на современата музика.

Картите за предстојниот концер на Јаков Јозиновиќ се во продажба на МК Тикетс.

Поврзани теми:

Следно

Магија во филхармонија – Јоце Панов со концерт за паметење – емоции и еуфорија до самиот крај!

Не пропуштајте

25 години музика во една вечер – „Љубојна“ со јубилеен концерт во Скопје

Продолжи со читање

Шоу Биз

ЏОН ИЛИЈА АПЕЛГРЕН ОДБЕЛЕЖУВА 40 ГОДИНИ МУЗИЧКА КАРИЕРА СО ЕКСКЛУЗИВЕН ЈУБИЛЕЕН КОНЦЕРТ ВО МНТ!

Објавено

пред 17 часа

на

октомври 14, 2026

Од

Цаци

Македонската музичка сцена се подготвува за вечер посветена на врвната музика, џезот и уметноста! Еден од најпрепознатливите македонски џез-вокалисти, Џон Илија Апелгрен, на 31 октомври ќе одбележи четири децении музичко творештво со голем јубилеен концерт во Македонскиот народен театар во Скопје.

Под насловот „40 лета музика“, Апелгрен ја носи публиката на музичко патување низ својата богата кариера, исполнето со различни стилови, незаборавни настапи и композиции што оставиле белег во неговиот уметнички развој.

Концертот ќе биде ретроспектива на неговите музички почетоци, вклучувајќи го периодот со рок-групата „Деус“ од 1984 година, потсетување на култните настапи на „Макфест“, но и дел од успешната концертна серија „Музичка прошетка“, со композиции на француски, португалски и шпански јазик.

Публиката ќе има можност да ужива и во безвременските композиции на маестро Драган Ѓаконовски – Шпато, како и во џез-стандардите од репертоарот на легендарниот Френк Синатра. Посебно место ќе имаат и премиерните изведби на авторски композиции на самиот Апелгрен, како и дела напишани специјално за него од истакнатиот македонски џез-пијанист, композитор и аранжер Гордан Спасовски.

За музичката магија да биде комплетна, Апелгрен ќе настапи со џез-комбо состав со кој често соработува, овојпат збогатен со гудачки квартет. Специјален гостин на вечерта ќе биде нашиот реномиран џез-контрабасист Мартин Ѓаконовски, музичар со богато меѓународно искуство и соработки со врвни светски џез-имиња.

Интересен момент е што Ѓаконовски е дел од музичката приказна на Апелгрен уште од неговите први џез-чекори, како член на составот М2, со кој започнува неговото посериозно навлегување во џез-музиката.

Музичките аранжмани и адаптации за овој специјален концерт ги потпишува Гордан Спасовски, кој во 2026 година победи на светски натпревар за најдобра џез-композиција за биг-бенд во Холандија.

Јубилејот „40 лета музика“ не е само потсетување на четири децении кариера, туку и прослава на музиката што ги надминува границите на жанровите и јазиците. Вечер во која македонската музичка традиција, светските џез-стандарди и современото авторско творештво ќе се сретнат на една сцена.

Јубилејниот концерт на Џон Илија Апелгрен ќе се одржи на 31 октомври 2026 година, со почеток во 20 часот, во Големата сала на Македонскиот народен театар во Скопје.

Вечер за љубителите на квалитетната музика, за оние што ги следат четирите децении творештво на Апелгрен, но и за сите што сакаат да доживеат врвна музичка уметност – „светско, а наше“!

Продолжи со читање