Шоу Биз
Нова кавер-приказна од младиот вокал Никола Милосковски – Емотивната балада „Лутка“ доби нова душа
Ако ова лето вниманието ви го привлече младиот, харизматичен и исклучително талентиран кумановец Никола Милосковски со неговиот прв кавер за култната песна „Полско цвеќе“ од отпеана од македонската музичка икона Тоше Проески, тогаш неговото најново музичко изненадување сигурно ќе ве натера повторно да притиснете „play“. Овој пат, предновогодишно и токму во вистински момент, Никола се претставува со своја верзија на емотивната балада – песната „Лутка“ од Саша Матиќ. Станува збор за песна што, како што самиот тој признава, одамна ја носи во себе.
„Ја имам слушнато многу одамна и некако буди посебна емоција во мене. Во комбинација со мелодиската линија, буквално ми е по мој вкус“, вели Никола, додавајќи дека токму ваквите балади му дозволуваат да го покаже својот вистински вокален и емоционален израз.
Во време кога каверите често звучат исто, Милосковски се обидува да внесе личен печат – без копирање, без претерување, туку со мерак и искреност. Токму тоа е и причината зошто неговите изведби лесно наоѓаат пат до публиката. Посебно внимание привлекува и видеото, зад кое стои Стефан Катранџиски, со кого, како што вели Никола, уште од првиот момент постоела јасна уметничка визија.
„Уште од самиот стартми се допадна неговата професионалност во снимањето и начинот на кој успеавме заедно да ја доловиме емоцијата“, открива Никола, нагласувајќи дека визуелната приказна е важен дел од целокупниот впечаток.
Она што го издвојува Никола Милосковски на домашната сцена е неговиот природен пристап кон музиката – без маски, со јасна емоција и препознатлива боја во гласот. Неговиот фокус не е само на нотите, туку и на она што се крие помеѓу нив – искрената интерпретација и личниот печат.
Но, ова не е крајот на музичката приказна за младиот пејач. Напротив – во периодот што следува се очекуваат уште неколку преработки, кои веќе се снимени, а доколку сè оди според планот, публиката наскоро ќе може да ја слушне и неговата прва авторска песна. Додека новите проекти се подготвуваат, Никола Новата година ќе ја дочека работно, настапувајќи во Гостилница „Дома“ во Куманово, заедно со луѓето кои ја ценат неговата работа и го препознаваат звукот и приказните што ги раскажува – и во музиката, и во тишината меѓу тоновите.
Со ваков континуитет, искреност и љубов кон музиката, Никола Милосковски полека, но сигурно, станува име што вреди да се следи на домашната сцена.
Шоу Биз
Антониа Гиговска повторно во трендинг модерната „Чукај, чукај“ стана хит
Што е ново кај Антониа Гиговска? Популарната македонска пејачка деновиве повторно е во центарот на вниманието со нов музички проект кој веќе ги освојува социјалните мрежи и помладата публика. Станува збор за модерна преработка на легендарниот хит „Чукај, чукај“, кој го отпеа заедно со Благица Павловска.
Две генерации од македонската музичка сцена ги здружија силите за да му дадат нов живот на еден од најпознатите домашни хитови. Новата верзија носи современ звук и динамичен ритам, комбинирајќи поп и фолк елементи во стил кој лесно допира и до младата публика.
Во проектот се приклучува и сопругот на Гиговска, Роберт Спасенцовски – Џокер, кој внесува дополнителна енергија со својот рап дел. Зад музичката реализација стојат Дарко Димитров и Медо Цун, додека аранжманот е создаден во соработка со Дамир Имери.
Песната за кратко време стана омилена меѓу младите, а коментарите на социјалните мрежи покажуваат дека публиката одлично ја прифати новата верзија. Многумина коментираат дека проектот успешно ја спојува носталгијата на старите хитови со модерниот музички правец.
Видеоспотот е реализиран во современ стил со впечатлива визуелна приказна, а целиот тим работел на тоа проектот да добие урбан и модерен изглед.
По објавувањето, Гиговска испрати емотивна порака до својата публика, повикувајќи ги луѓето повеќе да се смеат, да простуваат и да живеат со срце, истакнувајќи дека токму таква е пораката што ја носи „Чукај, чукај“. И воедно најави дека со оваа песна, го најавува својот нов албум ,,Жена” и останатите 5 песни кои треба да излезат, како што рече таа – наскоро.
Слободниот простор, од песна до песна Антонија го потполнува како бренд лице на женскиот ракометен клуб ЖРК Атлетик, спојувајќи ја музиката со спортот. А нам ни останува да почекаме за уживањето во нејзините нови песни.
-
Шоу Бизпред 2 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 2 неделиДарко Билбиловски претстави нова песна исполнета со емоција – „Само да си моја“
-
Шоу Бизпред 4 неделиЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 1 месец„Позитив бенд“ – музика, еуфорија, енергија – гаранција за добра забава
-
Некатегоризиранопред 1 месецМладата Викторија Ефтимова го претстави новиот сингл „Идеали“
-
Шоу Бизпред 3 месециСека Алексиќ и Раста на иста сцена во Арена „Јане Сандански“
-
Народнапред 3 неделиВаска Илиева – гласот што ја претвори македонската песна во идентитет
-
Шоу Бизпред 2 неделиЗона М1 се слуша и под вода – нова можност за пораки од дијаспората