Шоу Биз

Јелена Карлеуша со жестока реакција по скандалот на Цеца во Велес

Објавено

пред 12 месеци

на

ноември 1, 2025

Од

Цаци

Познато е дека Јелена Карлеуша и Светлана Цеца Ражнатовиќ со години се сметаат за „вечити ривалки“ на естрадната сцена. Нивните односи никогаш не биле добри, а често се во центарот на медиумското внимание поради меѓусебни препукувања.

Овојпат, повод за нови тензии е скандалот што се случи на синоќешниот концерт на Цеца во Велес, кога пејачката го разви бугарското знаме на својот грб. Настанот предизвика бурни реакции кај публиката, дел од која ја исвирка, а организаторите набрзо ја повлекоа од сцената.

По ова, Јелена Карлеуша се огласи на социјалните мрежи со остра реакција и отворена поддршка за македонскиот народ.

Во нејзиниот статус, Карлеуша напиша:

„Со сето свое срце сум со прекрасниот народ на Македонија, кој не го заслужува ваквото непочитување од страна на пејачи што доаѓаат да настапуваат во Македонија. Го осудувам овој потег на дотичната и сметам дека не станува збор ниту за глупост, ниту за незнаење. Прво, да се завиткаш во знамето на држава која го оспорува постоењето на државата Македонија, потоа да го бакнеш тоа знаме во сред Македонија – а за да биде уште пострашно, истото тоа знаме потоа да го фрлиш на подот…“

Пејачката порача дека „уметноста не смее да биде изговор за непочитување на една земја и нејзиниот народ“.

До овој момент тимот на Цеца Ражнатовиќ нема дадено официјална изјава по повод скандалот и реакцијата на Карлеуша, а јавноста со нетрпение очекува дали и како Цеца ќе одговори.

Поврзани теми:

Следно

КАФАНСКА НОЌ ВО СКОПЈЕ – ТРОЈЦА БАЛКАНСКИ ВЕЛИКАНИ ЌЕ ЈА ЗАПАЛАТ АРЕНАТА „ЈАНЕ САНДАНСКИ“!

Не пропуштајте

СКАНДАЛ НА КОНЦЕРТОТ ВО ВЕЛЕС: Цеца рашири бугарско знаме, следуваа свирежи од публиката

Продолжи со читање

Шоу Биз

ЏОН ИЛИЈА АПЕЛГРЕН ОДБЕЛЕЖУВА 40 ГОДИНИ МУЗИЧКА КАРИЕРА СО ЕКСКЛУЗИВЕН ЈУБИЛЕЕН КОНЦЕРТ ВО МНТ!

Објавено

пред 17 часа

на

октомври 14, 2026

Од

Цаци

Македонската музичка сцена се подготвува за вечер посветена на врвната музика, џезот и уметноста! Еден од најпрепознатливите македонски џез-вокалисти, Џон Илија Апелгрен, на 31 октомври ќе одбележи четири децении музичко творештво со голем јубилеен концерт во Македонскиот народен театар во Скопје.

Под насловот „40 лета музика“, Апелгрен ја носи публиката на музичко патување низ својата богата кариера, исполнето со различни стилови, незаборавни настапи и композиции што оставиле белег во неговиот уметнички развој.

Концертот ќе биде ретроспектива на неговите музички почетоци, вклучувајќи го периодот со рок-групата „Деус“ од 1984 година, потсетување на култните настапи на „Макфест“, но и дел од успешната концертна серија „Музичка прошетка“, со композиции на француски, португалски и шпански јазик.

Публиката ќе има можност да ужива и во безвременските композиции на маестро Драган Ѓаконовски – Шпато, како и во џез-стандардите од репертоарот на легендарниот Френк Синатра. Посебно место ќе имаат и премиерните изведби на авторски композиции на самиот Апелгрен, како и дела напишани специјално за него од истакнатиот македонски џез-пијанист, композитор и аранжер Гордан Спасовски.

За музичката магија да биде комплетна, Апелгрен ќе настапи со џез-комбо состав со кој често соработува, овојпат збогатен со гудачки квартет. Специјален гостин на вечерта ќе биде нашиот реномиран џез-контрабасист Мартин Ѓаконовски, музичар со богато меѓународно искуство и соработки со врвни светски џез-имиња.

Интересен момент е што Ѓаконовски е дел од музичката приказна на Апелгрен уште од неговите први џез-чекори, како член на составот М2, со кој започнува неговото посериозно навлегување во џез-музиката.

Музичките аранжмани и адаптации за овој специјален концерт ги потпишува Гордан Спасовски, кој во 2026 година победи на светски натпревар за најдобра џез-композиција за биг-бенд во Холандија.

Јубилејот „40 лета музика“ не е само потсетување на четири децении кариера, туку и прослава на музиката што ги надминува границите на жанровите и јазиците. Вечер во која македонската музичка традиција, светските џез-стандарди и современото авторско творештво ќе се сретнат на една сцена.

Јубилејниот концерт на Џон Илија Апелгрен ќе се одржи на 31 октомври 2026 година, со почеток во 20 часот, во Големата сала на Македонскиот народен театар во Скопје.

Вечер за љубителите на квалитетната музика, за оние што ги следат четирите децении творештво на Апелгрен, но и за сите што сакаат да доживеат врвна музичка уметност – „светско, а наше“!

Продолжи со читање