Шоу Биз
Зона М1 на прес-конференцијата на Теа Таировиќ: Пејачката најави спектакл и можен дует со македонски изведувач
Пејачката Теа Таировиќ одржа прес-конференција во Скопје по повод големиот концерт што ќе се одржи на 15 ноември во Спортската сала „Борис Трајковски“.
По една година од последниот настап на истата сцена, атрактивната пејачка повторно го распродаде концертот, и како и секогаш и овој пат, се бара карта повеќе. Таировиќ во Скопје пристигна еден ден порано, во друштво на сопругот Иван.
„Добар ден на сите. Секогаш ми е убаво кога доаѓам во Скопје. Ова е моја втора куќа. Ова ми е веќе трет концерт овде и чувствувам уште поголема одговорност. Во тек се интензивни подготовки, особено во кондициска смисла, бидејќи шоуто ќе биде пообемно и поенергично од претходното. Подготвувам и втор дел од албумот ‘Аска’, па овој период ми е навистина интензивен. Се надевам дека ќе успеам да го надминам минатиот концерт. Македонската публика е срцева и темпераментна – исто како јас. Тоа е енергија што се пренесува и се чувствува,“ изјави Таировиќ.
По официјалниот дел, пејачката беше изненадена од своите најверни фанови од Македонија, кои ѝ подарија внимателно избрани подароци. Емоциите беа видливи – Таировиќ не можеше да ги сокрие насмевките и солзите радосници, а следеше и фотографирање и потпишување автограми.
На прес-конференцијата присуствуваше и претставникот на радио „Зона М1“, Биљана Коцева Алексова, која ѝ постави прашање на пејачката дали во иднина планира соработка или дует со некој македонски изведувач.
„Секако дека би сакала. Македонија има фантастични пејачи и музичари, и се надевам дека во иднина ќе имам прилика да направам некоја убава музичка соработка,“ одговори Таировиќ со насмевка.
Таа на денешната прес-конференција не криеше дека, како и минатата година, и овојпат ќе има специјален гостин од Македонија, но не сакаше да открие за кого станува збор. Тоа, како што рече, ќе остане изненадување до саботната ноемвриска вечер, кога ќе се одржи концертот на Таировиќ во Скопје.
Ова ќе биде трет солистички концерт на Теа Таировиќ во Македонија, а втор во спортскиот центар „Борис Трајковски“, што уште еднаш ја потврдува нејзината огромна популарност кај македонската публика.
Со најави за спектакл, изненадувања и нови песни, Теа уште еднаш докажа дека е подготвена да ја освои публиката со страст, енергија и музика што ја поврзува цела регија.
Шоу Биз
ЏОН ИЛИЈА АПЕЛГРЕН ОДБЕЛЕЖУВА 40 ГОДИНИ МУЗИЧКА КАРИЕРА СО ЕКСКЛУЗИВЕН ЈУБИЛЕЕН КОНЦЕРТ ВО МНТ!
Македонската музичка сцена се подготвува за вечер посветена на врвната музика, џезот и уметноста! Еден од најпрепознатливите македонски џез-вокалисти, Џон Илија Апелгрен, на 31 октомври ќе одбележи четири децении музичко творештво со голем јубилеен концерт во Македонскиот народен театар во Скопје.
Под насловот „40 лета музика“, Апелгрен ја носи публиката на музичко патување низ својата богата кариера, исполнето со различни стилови, незаборавни настапи и композиции што оставиле белег во неговиот уметнички развој.
Концертот ќе биде ретроспектива на неговите музички почетоци, вклучувајќи го периодот со рок-групата „Деус“ од 1984 година, потсетување на култните настапи на „Макфест“, но и дел од успешната концертна серија „Музичка прошетка“, со композиции на француски, португалски и шпански јазик.
Публиката ќе има можност да ужива и во безвременските композиции на маестро Драган Ѓаконовски – Шпато, како и во џез-стандардите од репертоарот на легендарниот Френк Синатра. Посебно место ќе имаат и премиерните изведби на авторски композиции на самиот Апелгрен, како и дела напишани специјално за него од истакнатиот македонски џез-пијанист, композитор и аранжер Гордан Спасовски.
За музичката магија да биде комплетна, Апелгрен ќе настапи со џез-комбо состав со кој често соработува, овојпат збогатен со гудачки квартет. Специјален гостин на вечерта ќе биде нашиот реномиран џез-контрабасист Мартин Ѓаконовски, музичар со богато меѓународно искуство и соработки со врвни светски џез-имиња.
Интересен момент е што Ѓаконовски е дел од музичката приказна на Апелгрен уште од неговите први џез-чекори, како член на составот М2, со кој започнува неговото посериозно навлегување во џез-музиката.
Музичките аранжмани и адаптации за овој специјален концерт ги потпишува Гордан Спасовски, кој во 2026 година победи на светски натпревар за најдобра џез-композиција за биг-бенд во Холандија.
Јубилејот „40 лета музика“ не е само потсетување на четири децении кариера, туку и прослава на музиката што ги надминува границите на жанровите и јазиците. Вечер во која македонската музичка традиција, светските џез-стандарди и современото авторско творештво ќе се сретнат на една сцена.
Јубилејниот концерт на Џон Илија Апелгрен ќе се одржи на 31 октомври 2026 година, со почеток во 20 часот, во Големата сала на Македонскиот народен театар во Скопје.
Вечер за љубителите на квалитетната музика, за оние што ги следат четирите децении творештво на Апелгрен, но и за сите што сакаат да доживеат врвна музичка уметност – „светско, а наше“!
-
Шоу Бизпред 7 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 6 месециДарко Билбиловски претстави нова песна исполнета со емоција – „Само да си моја“
-
Шоу Бизпред 6 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 3 месециЅвездени носталгии тема – Горчлива чаша 14.07.2026
-
Шоу Бизпред 6 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 5 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 6 месециМладата Викторија Ефтимова го претстави новиот сингл „Идеали“
-
Шоу Бизпред 3 месециЅвездени носталгии тема – Гламур 07.07.2026