ЗАБАВНА

БАЛЕТСКО СТУДИО ЕУРЕКА ИСПИША ИСТОРИЈА – МАКЕДОНСКАТА ХИМНА ОДЕКНА ВО ЉУБЉАНА!

Објавено

пред 12 месеци

на

октомври 26, 2025

Од

Балетското студио „Еурека“ од Скопје, како дел од националниот тим на Македонија, освои прво место на Светското првенство во Хип-Хоп во Словенија.

Македонија повторно има причина за гордост!
Балетското студио „Еурека“, кое со години создава млади таленти во танцот, овојпат блесна на Светското првенство „25’–61“, одржано во Љубљана, Словенија.

Тимот на Еурека, како дел од националниот тим на Македонија, освои прво место во категоријата Hip-Hop, освојувајќи ги симпатиите на публиката и највисоките оценки од меѓународното жири.

По прогласувањето на победата, членовите на Еурека ја испеаја македонската химна со гордост и солзи во очите, а целата сала аплаудираше. Љубљана во тие моменти беше обоена во црвено-жолтите бои – симбол на македонскиот дух, енергија и страст.

„Танцот и љубовта секогаш победуваат! Верувајте во себе и вашите соништа,“ – порачуваат од Еурека, кои својот успех го посветуваат на цела Македонија.

Настапот на младите танчари беше комбинација на современа хореографија, енергија и прецизност, што остави силен впечаток кај публиката и судиите. Победата не е само спортски резултат, туку и доказ дека македонските уметници се подготвени да блеснат на светска сцена.

Овој успех претставува нова страница во историјата на македонскиот танц, инспирација за идните генерации и потсетник дека кога се танцува со срце – се освојува светот.

Поврзани теми:

Следно

NUCCI, VOYAGE и BIBA во Скопје – музички спектакл што не смеете да го пропуштите!

Не пропуштајте

Ивона Јовановска храбро по трагедијата – Ќе пеам затоа што тоа би го сакал тој

Продолжи со читање

ЗАБАВНА

ПО ГОЛЕМИОТ ИНТЕРЕС СЕРГЕЈ ЧЕТКОВИЌ ЌЕ ОДРЖИ И ВТОР КОНЦЕРТ ВО СКОПЈЕ – ДВЕ ВЕЧЕРИ ЗА ЉУБОВ, ЕМОЦИИ И БЕЗВРЕМЕНСКИ ХИТОВИ

Објавено

пред 3 дена

на

октомври 12, 2026

Од

Цаци

Скопје повторно ќе живее во знакот на љубовта и музиката на Сергеј Четковиќ. По најавата за концертот на 31 октомври, регионалната музичка ѕвезда закажа и втор концерт во Македонската филхармонија, на 1 ноември, со почеток во 20 часот.

По минатогодишните две магични вечери на истата сцена, Сергеј повторно се враќа пред македонската публика, подготвен да приреди уште една музичка приказна исполнета со љубов, носталгија и искрени емоции. Интересот за неговото враќање во Скопје донесе уште еден концертен термин, па љубителите на неговата музика ќе имаат дополнителна можност да уживаат во неговите песни во живо.

Со својот препознатлив вокал, харизма и непосредност, Сергеј Четковиќ со години ја гради посебната врска со публиката низ регионот. Неговите песни не се само хитови што се слушаат на радио, тие се музички приказни за љубовта, разделбите, копнежот, спомените и сите оние чувства во кои секој може да се препознае.

Токму затоа неговите концерти се многу повеќе од обични музички настапи. Кога ќе почнат да се нижат добро познатите рефрени, публиката станува дел од приказната, пее заедно со него и ги претвора концертните вечери во заедничко доживување што долго се памети.

Скопските концерти се дел од актуелната турнеја „Live Tour 2026 – 5.0“, во рамките на која Сергеј настапува со својот бенд, носејќи комбинација од нова енергија и безвременски хитови.

Две вечери по ред, Македонската филхармонија ќе биде место за сите оние што веруваат дека најубавите песни се оние што допираат до срцето, будат спомени и потсетуваат на луѓето и моментите што ни значат.

Сергеј Ќетковиќ во Скопје:

31 октомври 2026 – прв концерт

1 ноември 2026 – втор концерт
Почеток: 20:00 часот
Локација: Македонска филхармонија, Скопје

Билетите за вториот концерт се достапни преку e-ticket.mk.

Скопје добива уште една можност за вечер исполнета со музика, љубов и емоции – затоа што некои песни едноставно не се слушаат само со ушите, туку и со срцето.

Продолжи со читање