Шоу Биз
Што се крие зад разидувањето на Марија Шерифовиќ и Саша Мирковиќ по Евровизија? Тоше беше разочаран
Во најновата епизода на Б Поткаст со Бојан Јовановски, гостуваше музичкиот менаџер и директор на Hype TV, Саша Мирковиќ, кој откри детали од периодот на својата соработка со Марија Шерифовиќ.
Мирковиќ раскажа дека нивната соработка завршила по две ситуации кои, како што вели, биле поттикнати од мајката на Марија.
„Имавме договорен дует со Тоше Проески, песната беше подготвена и сè беше договорено. Но, мајката на Марија го оспори дуетот и од тоа ништо не стана,“ рече Мирковиќ во поткастот.
Втората причина, според него, била откажувањето на гостувањето на концертот на Тоше Проески што се одржа на 5 октомври 2007 година на Градскиот стадион во Скопје — концерт што подоцна се покажа како негов последен.
„Марија требаше да биде гостинка на концертот, сè беше договорено и најавено. Но, мајка ѝ реагирала со зборовите: ‘Што ќе ти е сега Тоше Проески, па ти да бидеш негов гостин, ти си евровизиска ѕвезда’. Потоа Марија го откажа настапот. Тоше беше многу погоден и разочаран,“ изјави Мирковиќ.
Тој додаде дека по трагичната смрт на Тоше, Марија му се јавила да го праша дали ќе одат на комеморацијата, но Мирковиќ ѝ одговорил кратко:
„Само ѝ реков — срам да ти е — и ѝ спуштив телефон,“ откри тој.
Неговата искрена исповед предизвика голем интерес кај јавноста, особено поради тоа што ова е првпат некој јавно да открие детали кои не и се познати на јавноста.
Шоу Биз
Штипска Пастрмајлијада 2026 – Два дена уживање, повеќе од 30 угостители и големи музички имиња
Штип и годинава се подготвува за едно од најпосетените гастрономско-забавни случувања во земјава. На 18 и 19 септември, градот повторно ќе биде домаќин на „Пастрмајлијада 2026“, манифестација која одамна ја надмина локалната традиција и прерасна во препознатлив настан за посетители од цела Македонија и регионот.
Овогодишното издание ќе се одвива на две локации – шеталиштето „Ванчо Прќе“ и Градскиот стадион. На двете места ќе има можност за дегустација на штипската пастрмајлија, а продажбата ќе се одвива преку унифицирани објекти, поставени неколку дена пред почетокот на манифестацијата. Новиот концепт е дел од настојувањето организацијата да биде пофункционална и попрегледна за гостите.
Програмата започнува во петок од 13 часот, со традиционалното сечење на џиновската штипска пастрмајлија, по што следуваат настапи на културно-уметнички друштва, диџеј-програма и музички настапи. На шеталиштето „Ванчо Прќе“ ќе настапат Лара Ивановска, Таско и српската пејачка Сара Јо.
Централната концертна вечер е закажана на Градскиот стадион, каде публиката ќе има можност да ужива во настапите на Јован Јованов и Елвир Мехиќ, а главната ѕвезда на вечерта ќе биде познатиот српски пејач Жељко Јоксимовиќ.
Покрај музичката програма, во фокусот останува она по што Штип е надалеку препознатлив – пастрмајлијата. За подготовката и понудата на специјалитетот ќе се погрижат повеќе од 30 угостители, а организаторите најавуваат дека цената ќе остане 250 денари, и покрај зголемените трошоци.
За полесно пристигнување и движење на очекуваните илјадници посетители, ќе бидат обезбедени дополнителни паркинг-површини, а во текот на манифестацијата ќе има и измени во сообраќајниот режим.
Со спојот на традиционалниот вкус, музиката и гостопримството, „Пастрмајлијада 2026“ и годинава го потврдува Штип како град во кој добрата храна и добрата забава одат заедно.
18 и 19 септември – Штип ве очекува на Пастрмајлијада 2026!
-
Шоу Бизпред 6 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 5 месециДарко Билбиловски претстави нова песна исполнета со емоција – „Само да си моја“
-
Шоу Бизпред 5 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 2 месециЅвездени носталгии тема – Горчлива чаша 14.07.2026
-
Шоу Бизпред 5 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 4 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 6 месециМладата Викторија Ефтимова го претстави новиот сингл „Идеали“
-
Шоу Бизпред 2 месециЅвездени носталгии тема – Гламур 07.07.2026