Шоу Биз
Панчо од ДНК ја изгуби битката по несреќата во Кочани – погребот ќе биде на 16 октомври
На 14 октомври 2025 година, во болницата “Систина” во Скопје, почина Владимир Блажев – Панчо, другата половина од легендарното музичко дуо ДНК. Тој ја изгуби битката со повредите што ги задоби на 16 март оваа година, кога во дискотеката „Пулс“ во Кочани избувна пожар.
По несреќата, Панчо беше пренесен од Кочани во клинички центар во Скопје, а подоцна префрлен во приватна болница, каде што месеци наназад беше подложен на бројни интервенции и интензивна нега.
Панчо е официјално 63-та жртва во трагедијата која ја однесе пожарот во Кочани.
Загубата на дуото ДНК остава неизбришлива празнина во македонската музичка сцена. Заедно со Андреј Мицевски, кој загина непосредно во пожарот, музиката и песната на ДНК, повеќе од две децении влијаеше врз развојот и трансформацијата на македонскиот поп, хип-хоп и урбан звук.
Како уметник, Панчо беше прочуен по својата искреност, посветеност, енергија и верувањето дека музиката е терапија, за себе и за публиката. Со секоја нота, секој стих, тој вградуваше дел од својата душа, оставајќи трајна емотивна врска со своите слушатели.
Колегите, пријателите, бројни обожаватели и јавни личности веќе втор ден искажуваат сочувство и поделуваат спомени за неговата човечност, топлина и талент. Во јавноста се споделуваат фотографии, видеа и пораки кои сведочат за влијанието што го имаше врз многумина.
Панчо ќе биде погребан утре 16 10 2025 година, телото ќе биде изложено во црквата Св Илија во Аеродром. Молитвениот чин ќе започне во 9 часот, роднините и пријателите ќе може да изразат сочуство од 10-12 часот, а опелото ќе почне во 12 часот. Погребот ќе биде на гробиштата во Бутел во 13:30 часот.
Сè додека музиката се слуша и стиховите од ДНК се испеваат, духот на Андреј и Панчо ќе живее и понатаму. Македонија загуби еден големи уметник, но нивните дела остануваат како непрекината врска помеѓу времето, емоцијата и сеќавањето.
Шоу Биз
Радио Зона М1 – 32 години музичка приказна што не престанува да пулсира
Радио Зона М1 одбележува – 32 години постоење, континуирано емитување и несебична посветеност кон слушателите. Основано во време кога радиото беше прозорец кон светот, а музиката најискрен јазик меѓу луѓето, Зона М1 успеа да остане дел од секојдневието на генерации слушатели, градејќи препознатлив потпис и силен однос со народот.
Во текот на овие три децении, радиото прерасна во симбол на добрата енергија, на ведриот дух и на моментите што обединуваат. Програмата е богата и шаренолика, од најновите музички хитови до вечните класици, од македонски поп и фолк, до ритмите на целиот Балкан. Токму таа разновидност создава мост меѓу различни вкусови и генерации, правејќи го радиото омилено за сите кои сакаат музика со душа.
Покрај музиката, Зона М1 негува и впечатливи емисии, водители со препознатлив стил и програма која знае да расположи, насмее, информира, но и да даде простор за размислување. Преку нив, радиото стана повеќе од медиум, стана навика, дел од домот, дел од работниот ден и секојдневна придружба на илјадници слушатели.
Секако, 32 години носат и предизвици. Како и многу медиуми, Зона М1 минала низ периоди на финансиски, технички и организациски тешкотии. Но тимот секогаш ја задржал својата препознатлива енергија и упорност. Дури и кога било најтешко, радиото не дозволило слушателот да почувствува негативност, во етерот секогаш доминирала позитивната вибрација.
Во чест на овој голем јубилеј, главните уредници и сопственици на радиото, Марјан и Светлана Тасевски ќе организираат роденденска забава, посветена на сите кои со години го одржуваат духот на Зона М1 жив – вработените, соработниците и луѓето кои секојдневно придонесуваат радиото да остане она што е денес. Забавата ќе биде симболична благодарница за нивниот труд, лојалност и заедничката верба во оваа три децениска приказна.
Денес, по 32 години, Радио Зона М1 стои повисоко од кога било: зрел, стабилен, модерен медиум што чекори со времето, но ги зачувува своите корени. Продолжува да биде таму каде што отсекогаш било – блиску до народот, со срце кое чука во ритамот на Балканот и со микрофон што никогаш не замолчува.
Со јасна визија, силна традиција и голема љубов кон слушателите, радиото го прославува својот роденден со пораката:
„32 години сме со вас, тука и остануваме!“
-
Шоу Бизпред 1 недела„Аска 2“ доаѓа на 2 декември – нов музички бум од Теа Таировиќ
-
Шоу Бизпред 3 месециНа 18-ти септември село Булачани ќе чука „во ритам на хуманоста“ со голем концерт
-
Шоу Бизпред 3 месециНастапот на Раде Младеновски на Тумба Фест го потврди неговиот подем на македонската сцена
-
Шоу Бизпред 5 месециВодителката Биљана Коцева – Алексова на пат за Острог
-
Шоу Бизпред 5 месециИмпресиите на Бици по враќањето од Острошкиот манастир
-
Шоу Бизпред 5 месециМиро Костовски – Бизнисмен со срце, југоносталгичар со душа и човек кој знае да го слави живот
-
Шоу Бизпред 2 месециНино и Мац со голем исчекор – склучија договор со продукција ‘Зона М1’ и тргнуваат кон регионален успех!
-
Народнапред 4 неделиКој стои зад „Горд Македонец“