Шоу Биз
Бојана Скендеровски со прв солистички концерт „Бесмртна“ – музичка приказна за љубовта и времето
По повеќе од дваесет години посветена работа, искрени интерпретации и песни што оставија длабок траг, Бојана Скендеровски ќе ја заокружи една значајна етапа од својата кариера со својот прв самостоен концерт. Настанот, симболично насловен „Бесмртна“, претставува омаж на чувствата, спомените и уметноста што остануваат да живеат засекогаш – и во неа, и во нејзината публика.
На 13 декември во Македонската филхармонија, со почеток во 20:00 часот, публиката ќе ја види Бојана во поинакво светло – подлабоко, посозреано и поемотивно од кога било. Концертот се најавува како вечер исполнета со искрени емоции, љубов, спомени и нови почетоци, во која ќе се спојат 23 години музичка приказна во едно незаборавно искуство.
Со внимателно избран репертоар што ќе ги поврзе минатото и сегашноста, Бојана ветува концерт што ќе ја раскаже нејзината животна и уметничка патека низ звук, збор и чувство.
Како и предходните години, Бојана беше дел и од проектот „Македонијо, во срце те носам“, каде што настапува со емоционалната песна „Запејте сите ангели“ – композиција што уште еднаш ја потврдува нејзината искреност и посветеност кон македонската песна и традиција.
„Овој концерт е мојот начин да кажам благодарам – на музиката, на сите што беа покрај мене и на публиката што ме инспирира сите овие години. Ќе пеам со сето срце, ќе споделам дел од мојата приказна. Се надевам дека заедно ќе создадеме нешто што ќе трае,“ изјави Скендеровски.
„Бесмртна“ е повеќе од концерт – тоа е потсетник дека вистинската музика, како и љубовта, никогаш не исчезнува.
Шоу Биз
Радио Зона М1 – 32 години музичка приказна што не престанува да пулсира
Радио Зона М1 одбележува – 32 години постоење, континуирано емитување и несебична посветеност кон слушателите. Основано во време кога радиото беше прозорец кон светот, а музиката најискрен јазик меѓу луѓето, Зона М1 успеа да остане дел од секојдневието на генерации слушатели, градејќи препознатлив потпис и силен однос со народот.
Во текот на овие три децении, радиото прерасна во симбол на добрата енергија, на ведриот дух и на моментите што обединуваат. Програмата е богата и шаренолика, од најновите музички хитови до вечните класици, од македонски поп и фолк, до ритмите на целиот Балкан. Токму таа разновидност создава мост меѓу различни вкусови и генерации, правејќи го радиото омилено за сите кои сакаат музика со душа.
Покрај музиката, Зона М1 негува и впечатливи емисии, водители со препознатлив стил и програма која знае да расположи, насмее, информира, но и да даде простор за размислување. Преку нив, радиото стана повеќе од медиум, стана навика, дел од домот, дел од работниот ден и секојдневна придружба на илјадници слушатели.
Секако, 32 години носат и предизвици. Како и многу медиуми, Зона М1 минала низ периоди на финансиски, технички и организациски тешкотии. Но тимот секогаш ја задржал својата препознатлива енергија и упорност. Дури и кога било најтешко, радиото не дозволило слушателот да почувствува негативност, во етерот секогаш доминирала позитивната вибрација.
Во чест на овој голем јубилеј, главните уредници и сопственици на радиото, Марјан и Светлана Тасевски ќе организираат роденденска забава, посветена на сите кои со години го одржуваат духот на Зона М1 жив – вработените, соработниците и луѓето кои секојдневно придонесуваат радиото да остане она што е денес. Забавата ќе биде симболична благодарница за нивниот труд, лојалност и заедничката верба во оваа три децениска приказна.
Денес, по 32 години, Радио Зона М1 стои повисоко од кога било: зрел, стабилен, модерен медиум што чекори со времето, но ги зачувува своите корени. Продолжува да биде таму каде што отсекогаш било – блиску до народот, со срце кое чука во ритамот на Балканот и со микрофон што никогаш не замолчува.
Со јасна визија, силна традиција и голема љубов кон слушателите, радиото го прославува својот роденден со пораката:
„32 години сме со вас, тука и остануваме!“
-
Шоу Бизпред 1 недела„Аска 2“ доаѓа на 2 декември – нов музички бум од Теа Таировиќ
-
Шоу Бизпред 3 месециНа 18-ти септември село Булачани ќе чука „во ритам на хуманоста“ со голем концерт
-
Шоу Бизпред 3 месециНастапот на Раде Младеновски на Тумба Фест го потврди неговиот подем на македонската сцена
-
Шоу Бизпред 5 месециВодителката Биљана Коцева – Алексова на пат за Острог
-
Шоу Бизпред 5 месециИмпресиите на Бици по враќањето од Острошкиот манастир
-
Шоу Бизпред 5 месециМиро Костовски – Бизнисмен со срце, југоносталгичар со душа и човек кој знае да го слави живот
-
Шоу Бизпред 2 денаРадио Зона М1 – 32 години музичка приказна што не престанува да пулсира
-
Шоу Бизпред 2 месециНино и Мац со голем исчекор – склучија договор со продукција ‘Зона М1’ и тргнуваат кон регионален успех!