ЗАБАВНА

После 42 години „Меморија“ првпат во клуб – оваа сабота во Скопје!

Објавено

пред 1 година

на

септември 24, 2025

Од

Цаци

Да, добро прочитавте! Легендарната македонска поп-рок група „Меморија“ по цели 42 години конечно ќе одржи своја прва клубска свирка. Настанот кој веќе предизвикува огромен интерес е закажан за сабота, 27 септември 2025 година, во скопскиот ноќен клуб „Интермецо“.

Иако сме навикнати „Меморија“ да ги полни најголемите сали и спортски арени низ Македонија, овој пат Перо Камиказа и бендот избраа да ѝ подарат на публиката сосема поинакво доживување – блиска, топла и енергична свирка, лице в лице со најверните фанови.

Атмосферата во вакви простори е секогаш посебна: директна интеракција, моментална размена на енергија и чувство кое ретко може да се спореди со масовните концерти. Затоа и не е изненадување што интересот е огромен, а „Интермецо“ во сабота се очекува да биде преполн.

Едно е сигурно – со „Меморија“ забавата е загарантирана. Доколку сакате да бидете дел од ова интимно музичко патување кое влегува во историјата на бендот, обезбедете си билет навреме – инаку ризикувате да ја слушате свирката однадвор!

Поврзани теми:

Следно

Ексклузивно: Сашо Младеновски – од „Мелодија“ до сопствено музичко студио

Не пропуштајте

Фановите во шок – кого го сака Мартија Станојковиќ?

Продолжи со читање

ЗАБАВНА

ПО ГОЛЕМИОТ ИНТЕРЕС СЕРГЕЈ ЧЕТКОВИЌ ЌЕ ОДРЖИ И ВТОР КОНЦЕРТ ВО СКОПЈЕ – ДВЕ ВЕЧЕРИ ЗА ЉУБОВ, ЕМОЦИИ И БЕЗВРЕМЕНСКИ ХИТОВИ

Објавено

пред 3 дена

на

октомври 12, 2026

Од

Цаци

Скопје повторно ќе живее во знакот на љубовта и музиката на Сергеј Четковиќ. По најавата за концертот на 31 октомври, регионалната музичка ѕвезда закажа и втор концерт во Македонската филхармонија, на 1 ноември, со почеток во 20 часот.

По минатогодишните две магични вечери на истата сцена, Сергеј повторно се враќа пред македонската публика, подготвен да приреди уште една музичка приказна исполнета со љубов, носталгија и искрени емоции. Интересот за неговото враќање во Скопје донесе уште еден концертен термин, па љубителите на неговата музика ќе имаат дополнителна можност да уживаат во неговите песни во живо.

Со својот препознатлив вокал, харизма и непосредност, Сергеј Четковиќ со години ја гради посебната врска со публиката низ регионот. Неговите песни не се само хитови што се слушаат на радио, тие се музички приказни за љубовта, разделбите, копнежот, спомените и сите оние чувства во кои секој може да се препознае.

Токму затоа неговите концерти се многу повеќе од обични музички настапи. Кога ќе почнат да се нижат добро познатите рефрени, публиката станува дел од приказната, пее заедно со него и ги претвора концертните вечери во заедничко доживување што долго се памети.

Скопските концерти се дел од актуелната турнеја „Live Tour 2026 – 5.0“, во рамките на која Сергеј настапува со својот бенд, носејќи комбинација од нова енергија и безвременски хитови.

Две вечери по ред, Македонската филхармонија ќе биде место за сите оние што веруваат дека најубавите песни се оние што допираат до срцето, будат спомени и потсетуваат на луѓето и моментите што ни значат.

Сергеј Ќетковиќ во Скопје:

31 октомври 2026 – прв концерт

1 ноември 2026 – втор концерт
Почеток: 20:00 часот
Локација: Македонска филхармонија, Скопје

Билетите за вториот концерт се достапни преку e-ticket.mk.

Скопје добива уште една можност за вечер исполнета со музика, љубов и емоции – затоа што некои песни едноставно не се слушаат само со ушите, туку и со срцето.

Продолжи со читање