Некатегоризирано

Катерина Ацевска ја покори Атина – четири Гркинки паднаа со 50-0!

Објавено

пред 10 месеци

на

септември 12, 2025

Од

Цаци

Апсолутна доминација на македонската шампионка во џиу – џицу Катерина Ацевска во срцето на Грција – настап кој долго ќе се памети и кој, според Федерацијата, ќе остане најсилниот резултат на турнирот со 1329 учесници.

Македонската репрезентативка Катерина Ацевска уште еднаш потврди дека е најдобрата во регионот, откако ја одбрани титулата на Балканското Опен првенство во џиу-џицу што овој пат се одржува во Грција.

Ацевска до апсолутната победа стигна на навистина импресивен начин – со четири последователни победи, сите против грчки натпреварувачки, и тоа со максимални резултати од 50-0 (фул ипон). Ваквата апсолутна доминација и стабилен настап ја издвојуваат како една од најголемите атракции на турнирот, а од Федерацијата сметаат дека токму нејзиниот успех ќе биде најголемото остварување меѓу дури 1329 учесници.

Од Македонската Џиу-џица Федерација упатија честитки до Ацевска, нагласувајќи дека таа демонстрирала врвна техника, зрелост во настапот и одлична физичка и психичка подготвеност.

Поддршка пристигна и од нејзиниот татко, воедно и нејзин тренер Александар Ацевски кој на социјалните мрежи со гордост напиша: „Атина на апарати… Кетрин старо-нов балкански шампион! Четири победи по ред, сите со фул ипон. Апсолутна доминација!“

Во следните денови Македонија ќе продолжи да ја брани својата чест преку настапите на Марија Треневска од клубот „СОКЕ“ – Скопје, Данил Николиски од „ОСЕНСЕИ“ – Штип, Антонио Стојчески од „АНГЕЛИ“ – Скопје и Зоран Колевски од „ДАН-КЈУ“ – Скопје. Очекувањата се уште еднаш нашите

Поврзани теми:

Следно

Кој хороскопски знак ќе има најмногу среќа во септември?

Не пропуштајте

Баже Маротов со „Борба на две суети“ ги освои новинарите на „Охридски трубадури“

Продолжи со читање

Некатегоризирано

„Скопско лето 2026“ во полн ек – ако сè уште не сте слушнале, Естрада.мк ве потсетува што не треба да пропуштите

Објавено

пред 2 недели

на

јули 8, 2026

Од

Цаци

Доколку досега не сте слушнале дека е во тек едно од најголемите културни случувања во главниот град, Естрада.мк ве потсетува дека фестивалот „Скопско лето 2026“ веќе повеќе од еден месец ги разубавува скопските вечери со богата програма исполнета со музика, театар, изложби и бројни уметнички настани.

Речиси секоја вечер, на повеќе локации низ Скопје, посетителите имаат можност да уживаат во концерти, театарски претстави, книжевни вечери, изложби и настапи на врвни домашни и меѓународни уметници. Градот живее во фестивалски дух, а секој ден носи ново културно доживување.

Музеи, галерии, културни институции и отворени сцени се претвораат во вистински центри на уметноста. Посебен шарм и оваа година има Старата скопска чаршија, каде што фестивалските содржини добиваат уникатна атмосфера и привлекуваат бројни посетители.

И покрај богатата и разновидна програма, има граѓани кои сè уште не се информирани дека фестивалот е во тек. Затоа, доколку барате поинаков начин да ги поминете топлите летни вечери, „Скопско лето“ е вистинскиот избор. Без разлика дали сте љубител на класичната музика, театарот, современата уметност или книжевноста, програмата нуди содржини за сечиј вкус.

До завршувањето на фестивалот остануваат уште многу интересни настани, па сега е вистинскиот момент да ја разгледате програмата и да станете дел од оваа долгогодишна културна традиција што со децении го збогатува животот во главниот град.

Фестивалот „Скопско лето 2026“ се одржува под покровителство на Министерството за култура и туризам и Град Скопје, а негов организатор е Дирекцијата за култура и уметност – Скопје, во соработка со бројни национални културни институции и меѓународни партнери.

Естрада.мк и во наредниот период ќе продолжи да ве информира за најинтересните фестивалски случувања, концерти и културни настани кои се дел од богатата програма на „Скопско лето 2026“.

Продолжи со читање