Народна
Куманово го одржа „Тумба фест“ 2025 – 18 рефрени, многу смеа и многу љубов
На 21 август, Градскиот плоштад во Куманово повторно беше центар на музиката, хуморот и добрата забава. Со почеток во 20 часот, се одржа најпрепознатливиот кумановски музички фестивал „Тумба фест“, кој веќе со години наназад важи за еден од најавтентичните фестивали во Македонија.
Под мотото „Да пееме и да се смееме“, оваа година публиката уживаше во 18 фестивалски рефрени, напишани на повеќе дијалекти од македонското поднебје, во изведба на македонски и српски пејачи и драмски уметници. Спојот на музика и хумор, шеговити текстови и дијалектални особености создадоа атмосфера каква што само Куманово може да понуди.
Фестивалскиот концепт и годинава остана верен на својата традиција: шеговити песни на кумановски дијалект, но и на дијалекти од другите македонски градови, како и изведби со етно инспирација, свадбарски, весели, боемски и љубовни ноти. Музиката ги сплоти генерациите – од најмладите кои со радост ги пееја новите рефрени, до повозрасните кои со носталгија уживаа во етно призвукот.
Водителската палка беше во рацете на харизматичната актерска двојка Горан Илиќ – Гиле и Кети Дончевска Илиќ, кои со својот препознатлив хумор и сценска енергија ја водeа вечерта, одржувајќи ја комуникацијата со публиката жива и весела.
Организатор на фестивалот е здружението „Етно ризница“, кое секоја година успева да ја задржи автентичноста на настанот, но и да му даде нова свежина.
Како и секогаш, фестивалот не помина без доделување на признанија. За најслушана песна меѓу двата фестивала беше прогласена „Неста Ресенска“ во изведба на Ташко Каранфиловски и „Астра бенд“. Големата чест – Награда за животно дело, му припадна на музичкиот уметник, композитор, текстописец и еден од основачите на фестивалот, Миле Барбаровски, кој со своето творештво остави длабок белег во македонската музичка сцена. Дополнително, беа врачени и благодарници за учество на сите уметници и медиуми кои дадоа поддршка за настанот.
Иако од ревијален карактер, „Тумба фест“ е многу повеќе од обичен музички собир. Тој е симбол на Куманово, фестивал кој ја негува традицијата и ја слави песната на народниот јазик и дијалект. И оваа година, плоштадот во Куманово беше исполнет со смеа, песна и љубов кон македонската музика – доказ дека „Тумба фест“ е и ќе остане фестивал на душата, хуморот и македонскиот дух.
Народна
„Фолк Фест Валандово 2026“ на 26 и 27 мај: Две вечери исполнети со македонска песна, емоции и нови хитови
Градот на калинките и годинава ќе биде домаќин на едно од најзначајните музички случувања во Македонија. На 26 и 27 мај ќе се одржи 39-тото издание на фестивалот „Фолк Фест Валандово 2026“, манифестација која со децении претставува симбол на македонската фолк музика, традиција и незаборавни мелодии.
Првата фестивалска вечер, која ќе се одржи на 26 мај на градскиот плоштад во Валандово, ќе биде посветена на безвременските валандовски хитови што оставиле длабока трага на македонската музичка сцена. Публиката ќе има можност повторно да ужива во добро познатите песни во изведба на еминентни музички имиња како Блага Петреска, Елена Велеска, Кате и Соната, Кристијан Божинов, Марјан Коцев и Мишко Крстевски. Во рамки на вечерта, мини концерт ќе одржи и еден од најактуелните фолк пејачи кај нас, Влатко Младиновски.
Посебен момент на вечерта ќе биде доделувањето на наградата за животно дело на легендарната Блага Петреска, како признание за нејзиниот долгогодишен придонес во македонската народна музика и богатото музичко наследство што го остави зад себе.
Главната фестивалска вечер ќе се одржи на 27 мај во салата „Јанко Узунов“ во Валандово, каде ќе бидат промовирани 20 нови композиции кои претендираат да станат идни хитови на македонската фолк сцена. На сцената ќе настапат добро познати музички имиња, но и млади таленти кои допрва го градат својот пат.
Меѓу учесниците се: Благица Калева, Нино Величковски, Ивана Серафимовска, Дејан Николовски – Чуле, Мишко Крстевски, Благоја Грујовски, Даце Николовски, Лени Партикова, Горан Тодоровски, Распеани Валандовчани и други.
За време на гласањето, публиката ќе има можност да ужива и во мини концертот на Ленче Кукиќ.
На официјалната прес-конференција во Скопје, организаторите најавија дека и ова издание ќе понуди врвна музичка програма и атмосфера препознатлива за Валандово. Свои обраќања имаа градоначалникот на Валандово Ѓоко Камчев, уметничкиот директор Илчо Јованов, техничкиот директор Ѓоко Павлов и извршниот директор Горјан Стојановски.
Двете фестивалски вечери ќе бидат емитувани на Македонската радио телевизија, а низ музичката приказна публиката ќе ја водат водителите Зоран Ѓорѓиев и Ели Танасковски.
На 26 и 27 мај Валандово повторно ќе стане центар на македонската фолк музика, место каде традицијата, емоцијата и новите музички приказни ќе се спојат во уште едно незаборавно фестивалско издание.
-
Шоу Бизпред 2 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 2 неделиДарко Билбиловски претстави нова песна исполнета со емоција – „Само да си моја“
-
Шоу Бизпред 4 неделиЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 1 месец„Позитив бенд“ – музика, еуфорија, енергија – гаранција за добра забава
-
Некатегоризиранопред 1 месецМладата Викторија Ефтимова го претстави новиот сингл „Идеали“
-
Шоу Бизпред 3 месециСека Алексиќ и Раста на иста сцена во Арена „Јане Сандански“
-
Народнапред 3 неделиВаска Илиева – гласот што ја претвори македонската песна во идентитет
-
Шоу Бизпред 2 неделиЗона М1 се слуша и под вода – нова можност за пораки од дијаспората