Народна

Битола ја затвора сцената на светот – денес свечено завршуваат 55-тите „Илинденски денови“

Објавено

пред 1 година

на

јули 31, 2025

Од

По две недели исполнети со музика, танци, традиционални носии и културна размена, денес свечено се затвора 55-тото јубилејно издание на фестивалот на народна култура „Илинденски денови“ – една од најдолговечните и најрепрезентативни манифестации во Македонија, која ја слави народната традиција и ги зближува културите од целиот свет.

Фестивалот беше замислен како културна ехо-рефлексија на Илинденскиот манифест од 1903 година, во духот на слободата, автентичноста и народното наследство. Низ повеќе од пет децении, „Илинденски денови“ прераснаа во меѓународна сцена каде традицијата добива нова животна сила.

Од 18 до 31 јули, Битола пулсираше со фолклорни ритми – преку 1.300 учесници од Македонија, Полска, Мексико, Хрватска, Индонезија, Грузија и, за првпат, Швајцарија, настапија на повеќе локации низ градот. Улични паради, концерти, изложби, етно-базари и работилници ја трансформираа Битола во вистинска отворена сцена на култури и народи, каде традициите се споделуваа без зборови – преку музика, движење и емоции.

Фестивалот го отвори потпретседателката на Собранието и покровителка на манифестацијата, Весна Бендевска, која во своето обраќање порача дека „Илинденски денови“ се повеќе од културен настан – тие се симбол на континуитетот, идентитетот и отвореноста на македонското општество кон светот.

Завршниот ден започна со свечен прием на делегациите кај Градоначалникот на Општина Битола, по што следува „Интернационалната фолклорна разгледница“ – парада и перформанс на странските ансамбли по Широк Сокак, од Саат Кулата до Камениот мост, во периодот од 11:30 до 13:30 часот.

Кулминацијата следува вечерва, од 20:00 часот, на платото пред Офицерскиот дом, каде ќе се одржи завршната интернационална вечер на музика и игра. Во свечениот дел ќе бидат доделени признанија и награди за учесниците, а потоа ќе настапат:

Ballet Folklorico Del Ateneo Fuente – Салтиљо, Мексико

КУД „Дримкол“ – Вевчани, Македонија

La Farandole de Courtepin – Фрибур, Швајцарија

Фолклорен ансамбл „Туропоље“ – Велика Горица, Хрватска

ФА „Емин Дураку“ – Скопје

Folk Song and Dance Ensemble “Lublin” – Љублин, Полска

Ensemble Karsa Seni – Џакарта, Индонезија

Ensemble “Mnate” – Жинвали, Грузија

„Илинденски денови“ не се само фолклорен фестивал – тие се културна архива во живо. Преку секој танц, песна, носија и инструмент, се пренесува богатството на нематеријалното културно наследство, не само на Македонија туку и на светот. Манифестацијата е и дел од пошироките напори за зачувување и промовирање на традиционалната култура, која се соочува со предизвиците на современото глобално време.

Како и секоја година, фестивалот беше организиран со поддршка од Министерството за култура, Општина Битола, Центарот за култура и голем број локални и национални партнери. Голем број волонтери, вљубеници во фолклорот и локални жители дадоа несебичен придонес, што уште еднаш покажа дека Битола не е само домаќин, туку и срце на оваа манифестација.

Со тоа, Битола уште еднаш потврдува дека е град на традицијата, отвореноста и културната размена, каде минатото и сегашноста се спојуваат во ритамот на иднината.

Поврзани теми:

Следно

Препев на „Запејте сите ангели“ во изведба на Бојана Скендеровски во рамки на проектот „Македонијо, во срце те носиме“

Не пропуштајте

Зуица Лазова со емотивна изведба на „Горда Македонка“ во рамки на проектот „Македонијо, во срце те носиме“

Продолжи со читање

Народна

Туѓината, емоцијата и Македонија во една песна – На 2 август излегува „Летај соколе“ на Горд Македонец и Стефанија Костадинова

Објавено

пред 1 недела

на

јули 31, 2026

Од

Цаци

На македонската музичка сцена се раѓа една нова, искрена и силно емотивна приказна, создадена од две млади личности кои ги спојува нешто многу поголемо од музиката, а тоа е љубовта кон Македонија и љубовта кон песната.

Димче Ѓорѓиовски, момчето кое стои зад препознатливиот профил „Горд Македонец“, за кого Естрада.мк веќе пишуваше, одамна не е само интернет лик. Тој стана симбол на млад човек кој со огромна страст ја промовира Македонија, нејзините традиции, песна, музика и корени. Во време кога многумина забораваат од каде потекнуваат, Димче со секоја своја објава потсетува дека македонскиот дух сè уште живее силно.

Од другата страна е младата и исклучително талентирана Стефанија Костадинова, девојка која има само 16 години, но зад себе веќе носи сериозна музичка приказна. Нејзината љубов кон музиката започнала уште на тригодишна возраст, а уште како дете чувствувала дека песната е нејзиниот животен пат. На само 12 години почнува да објавува видеа на социјалните мрежи, а токму таму нејзиниот талент почнува да привлекува внимание. Следуваат настапи на регионални и државни натпревари по соло пеење, каде што освојува бројни први места и признанија.

Големиот пресврт доаѓа во 2024 година, кога Стефанија учествува на „Македонско Талент Шоу“. Иако имала само 14 години, успева да победи и како награда ја добива својата прва авторска песна – „Заспана убавица“. Потоа настапува и на Art In Festival, каде што освојува фантастични 99 поени и прва награда, а нејзиниот талент ја носи и на престижното музичко натпреварување Hype Zvezde, каде што како најмлада натпреварувачка на само 16 години се пласира меѓу топ 20 финалистите.

И токму тука започнува приказната која деновиве привлекува огромно внимание. Димче и Стефанија ги спои нивниот нов дует „Летај соколе“, песна која носи силна емоција и порака што ќе ја почувствува секој Македонец, без разлика дали живее дома или далеку од татковината. Текстот е дело на Димче Ѓорѓиовски, музиката ја создава тој со делумна помош на AI технологија, додека видеоспотот е реализиран во соработка со Дејан Горгиев и Balkan Music TV. Мизиката е снимена во Д1 студио кај Јован Василевски од Тетово кој што направи Master&voc recording на песната. Димче исто така упатува благодарност до неговите помагатели ,,Македонско катче” од Скопје, до сите оние кои им помогнаа околу костимите и македонските народни носии, а тоа се: Дом на Култура ..Илинден” Демир Хисар, Академија “Еуроарт” и Ансамбл “Јанко Глигоров” Свети Николе.

Песната зборува за туѓината, разделбата, копнежот по родниот крај и судбината на Македонецот кој често мора да замине далеку, но никогаш не ја заборава својата земја. Во неа се испреплетуваат младешката енергија, патриотската емоција и современиот музички пристап, што ја прави уште поинтересна за публиката.

Стефанија не ја крие својата благодарност за оваа соработка и со искрени зборови вели: „Сакам да упатам едно огромно благодарам до човекот кој успеа да ме претстави како бисер пред македонскиот народ и човекот кој ми ја пружа најголемата поддршка, а тоа е Димче Ѓорѓиовски, уште познат како Горд Македонец. Баш ми е мило што го запознав и што ми ја пружи шансата да направиме македонски дует ‘Летај соколе’. Пресреќна сум. А во иднина ве очекуваат и нови соработки со него, односно нови проекти.“

Овие зборови јасно покажуваат дека меѓу нив не се раѓа само музичка соработка, туку и силна уметничка и човечка поддршка. Не е случајно што промоцијата на „Летај соколе“ е закажана за 2 август, ден со огромно историско и емоционално значење за македонскиот народ. Многумина веќе ја очекуваат песната како вистинска патриотска и емотивна музичка приказна која може да допре до срцата на Македонците ширум светот.

Стефанија испрати и искрена порака до своите поддржувачи: „Сакам јавно на сите да се заблагодарам за целата поддршка што ми ја пружате. Започнав од нула, а сега стигнав до 4700 следачи на Инстаграм. Ве сакам!“

Токму оваа скромност, искреност и благодарност ја прават уште поблиска до публиката. Во време кога младите често се губат во трендови без вредност, Димче Ѓорѓиовски и Стефанија Костадинова испраќаат поинаква порака, дека македонската песна, традиција и емоција сè уште имаат иднина.

Останува на 2 август да ја слушнеме „Летај соколе“ и да видиме дали оваа песна ќе стане новиот глас на младата генерација која сака да ја носи Македонија во срцето, каде и да се наоѓа. 🇲🇰🎶

Продолжи со читање