Шоу Биз
Продукција Зона М1 прослави 7 години од своето постоење
На 5-ти јули на приватна локација и на отворено, Продукција Зона М1 ги прослави своите 7 години постоење на сцена полна со звуци на успех, посветеност и креативност. Од своето основање, продукцијата ги опфаќа сите аспекти на уметничкото создавање.
„Зона М1 продукција“ успешно организира настани, снима спотови и несебично дава поддршка на талентирани уметници. Во изминатите седум години, студиото успеа да изгради репутација и да стане омилено место за многу познати и нови изведувачи. Многу од артистите што прошле низ студиото денес се признати фигури на музичката сцена и продолжуваат да растат со помош на поддршката од „Зона М1“. Прославата на овој значаен јубилеј не беше само ретроспектива на постигнатото, туку и поглед во иднината на музичката сцена.
Јубилејната прослава за 7 години постоење беше свечен настан на кој беа поканети и присуствуваа роднини, пријатели, актери, новинари, пеачи, претприемачи и разни соработници. Присуствуваа над 120 гости, во прекрасен амбиент под отворено небо, со вкусна храна и богати пијалоци, со одличен звук, диџеј сет, гостите се забавуваа до раните утрински часови.
Како што секој успех е само основа за нови предизвици, така и „Зона М1 продукција“ гледа во иднината со нови идеи и проекти, целта е да продолжат да иновираат и да придонесуваат кон развојот на музичката индустрија.
„Зона М1 продукција“ не само што го прослави својот значаен јубилеј, туку и ја потврди својата позиција на музичката иновација во регионот. Со многу повеќе планови и амбиции за иднината, оваа продукција сигурно ќе остане важен играч на музичка сцена, кој ќе продолжи да влева енергија и инспирација во идните генерации на уметници и музички љубители.
Шоу Биз
Босилово повторно ги собира љубителите на фолклорот – 15 години „Средба Русалии – Фолклор 2026“
Во овој исклучително активен период со културни настани, Естрада.мк продолжува да ги следи културните настани низ Македонија и да ги претставува манифестациите кои ја чуваат нашата традиција, фолклор и македонскиот културен идентитет. Овојпат патот нè води во Босилово, каде на 27 август 2026 година ќе се одржи јубилејното 15-то издание на Меѓународниот фестивал „Средба Русалии – Фолклор 2026“.
Петнаесет години традиција, песна, ора и дружење со фолклорните ансамбли се доволна причина Босилово и ова лето да биде место на кое ќе се сретнат љубителите на македонското фолклорно наследство.
Фестивалската програма започнува во 18 часот со дефиле, со кое учесниците ќе продефилираат низ Босилово и ќе ја најават големата фолклорна вечер.
Во 19 часот следува свечена програма во црквата „Пресвета Богородица“, а централниот дел од фестивалот започнува во 20 часот во паркот.
Пред публиката ќе настапат повеќе фолклорни ансамбли и културно-уметнички друштва: КУД „Русалии“ од Секирник, ФА „Цветови“ од Дедино, „Центар“ од Петрич, КУД „Јане Сандански“ од Ново Село, ФА „Копачка“ од Драмче, „Атми Митко Алексoв“ од Кочани и ФА „Осоговски извор“ од Оризари.
Разновидноста на учесниците уште еднаш покажува дека фолклорот е еден од најубавите начини за поврзување на различни места, традиции и генерации. Преку песната, орото и народните носии, фестивалот ја претвора сцената во своевидна жива слика на македонското културно наследство.
Но, фестивалската вечер нема да заврши со фолклорните настапи. Од 22 часот, публиката ќе има можност да ужива во концертот на Дамјан Стојановски, кој со својот препознатлив музички израз ќе биде задолжен за продолжување на празничната атмосфера.
„Средба Русалии – Фолклор“ низ годините прерасна во значајна културна средба која ја негува традицијата и овозможува фолклорот да остане жив пред новите генерации. Токму затоа јубилејното 15-то издание е уште една потврда дека ваквите манифестации имаат огромно значење за зачувувањето на културното наследство.
Босилово на 27 август ќе биде место на кое ќе се слушне звукот на тапаните, ќе заиграат фолклорните ансамбли, ќе се облечат традиционалните носии и ќе се продолжи приказната за македонската традиција.
А Естрада.мк и понатаму ќе биде таму каде што се создаваат ваквите убави приказни, затоа што нашата култура не се чува само во книгите и музеите, таа живее во песната, орото, носијата и во луѓето кои со љубов ја пренесуваат од поколение на поколение.
Босилово ги отвора вратите за 15 години „Средба Русалии – Фолклор 2026“ – вечер посветена на традицијата, фолклорот, музиката и заедништвото.
-
Шоу Бизпред 5 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 4 месециДарко Билбиловски претстави нова песна исполнета со емоција – „Само да си моја“
-
Шоу Бизпред 4 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 1 месецЅвездени носталгии тема – Горчлива чаша 14.07.2026
-
Шоу Бизпред 5 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 3 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 5 месециМладата Викторија Ефтимова го претстави новиот сингл „Идеали“
-
Шоу Бизпред 2 месециЅвездени носталгии тема – Гламур 07.07.2026