Шоу Биз
Никола Станишиќ победник во Звездите на Гранд
Никола Станишиќ, нашиот млад и талентиран пеач, вчера вечер го освои првото место на престижното музичко шоу „Звезде Гранда“ и стана нова ѕвезда на балканската музичка сцена. Со својот уникатен вокал и емотивни изведби, тој ја воодушеви публиката и жирито, а неговата победа е само почеток на светла кариера.
Во самото финале беа вкупно 20 кандидати, трето место му припадна на Зоран Ружиќ – Ферари, второто место на Елвис Мешиновиќ и првото место со освоени вкупно 138.714 гласови го освои Никола Станишиќ чиј ментор беше Светлана Ражнатовиќ.
Неговите изведби низ целиот тек на оваа сезона беа одраз на љубовта кон музиката и желбата да се допре до срцето на слушателите. Со своите изведби, во кои претендираа македонските песни, Никола го задржуваше вниманието на публиката, а со тоа и нивните гласови во текот на финалната вечер.
По прогласувањето на победата Никола не можеше да ја сокрие својата среќа и пред камерите зборуваше со голема возбуда. Се обрати и неговата менторка Цеца, која откри дека Никола после трагедијата во Кочани сакал да се откаже од натпреварувањето, таа рече
,,Кога се случи трагедијата во Македонија, Никола сакаше да се откаже. Ми се јави на телефон и рече – Не можам да продолжам, имам трагедија во фамилијата. Јас бев таа што го убеди да се врати, едноставно му објаснив дека ништо не може да ја смени таа ситуација, тоа е нешто што го потресе цел Балкан, а тој може со својата песна и талент да ги допре срцата”
Понатаму Цеца откри дека верувала во Никола уште од првиот ден, неговиот талент и харизма ја освојувале пбликата и стручното жири, а сега на крајот од се, му посака успешна кариера.
Како победник на оваа сезона Никола Станишиќ добива автомобил, песна со комплетен маркетинг и за прв пат оваа година доби специјална плакета во спомен на основачот на Звезде гранда Саша Поповиќ. Плакетата му ја врачи лично Сузана Јовановиќ, сопругата на Саша Поповиќ
Естрада.мк му посакува успешна кариера на Никола.
Шоу Биз
Босилово повторно ги собира љубителите на фолклорот – 15 години „Средба Русалии – Фолклор 2026“
Во овој исклучително активен период со културни настани, Естрада.мк продолжува да ги следи културните настани низ Македонија и да ги претставува манифестациите кои ја чуваат нашата традиција, фолклор и македонскиот културен идентитет. Овојпат патот нè води во Босилово, каде на 27 август 2026 година ќе се одржи јубилејното 15-то издание на Меѓународниот фестивал „Средба Русалии – Фолклор 2026“.
Петнаесет години традиција, песна, ора и дружење со фолклорните ансамбли се доволна причина Босилово и ова лето да биде место на кое ќе се сретнат љубителите на македонското фолклорно наследство.
Фестивалската програма започнува во 18 часот со дефиле, со кое учесниците ќе продефилираат низ Босилово и ќе ја најават големата фолклорна вечер.
Во 19 часот следува свечена програма во црквата „Пресвета Богородица“, а централниот дел од фестивалот започнува во 20 часот во паркот.
Пред публиката ќе настапат повеќе фолклорни ансамбли и културно-уметнички друштва: КУД „Русалии“ од Секирник, ФА „Цветови“ од Дедино, „Центар“ од Петрич, КУД „Јане Сандански“ од Ново Село, ФА „Копачка“ од Драмче, „Атми Митко Алексoв“ од Кочани и ФА „Осоговски извор“ од Оризари.
Разновидноста на учесниците уште еднаш покажува дека фолклорот е еден од најубавите начини за поврзување на различни места, традиции и генерации. Преку песната, орото и народните носии, фестивалот ја претвора сцената во своевидна жива слика на македонското културно наследство.
Но, фестивалската вечер нема да заврши со фолклорните настапи. Од 22 часот, публиката ќе има можност да ужива во концертот на Дамјан Стојановски, кој со својот препознатлив музички израз ќе биде задолжен за продолжување на празничната атмосфера.
„Средба Русалии – Фолклор“ низ годините прерасна во значајна културна средба која ја негува традицијата и овозможува фолклорот да остане жив пред новите генерации. Токму затоа јубилејното 15-то издание е уште една потврда дека ваквите манифестации имаат огромно значење за зачувувањето на културното наследство.
Босилово на 27 август ќе биде место на кое ќе се слушне звукот на тапаните, ќе заиграат фолклорните ансамбли, ќе се облечат традиционалните носии и ќе се продолжи приказната за македонската традиција.
А Естрада.мк и понатаму ќе биде таму каде што се создаваат ваквите убави приказни, затоа што нашата култура не се чува само во книгите и музеите, таа живее во песната, орото, носијата и во луѓето кои со љубов ја пренесуваат од поколение на поколение.
Босилово ги отвора вратите за 15 години „Средба Русалии – Фолклор 2026“ – вечер посветена на традицијата, фолклорот, музиката и заедништвото.
-
Шоу Бизпред 5 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 4 месециДарко Билбиловски претстави нова песна исполнета со емоција – „Само да си моја“
-
Шоу Бизпред 4 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 1 месецЅвездени носталгии тема – Горчлива чаша 14.07.2026
-
Шоу Бизпред 5 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 3 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 5 месециМладата Викторија Ефтимова го претстави новиот сингл „Идеали“
-
Шоу Бизпред 2 месециЅвездени носталгии тема – Гламур 07.07.2026