Шоу Биз
Јелена Карлеуша го врати својот Инстаграм профил
После пет месеци, поп дивата Јелена Карлеуша успеа да си го поврати својот Инстаграм профил на кој имаше повеќе од 2 милиони следбеници. На таа платформа Јелена освен известувања за своите настапи и фото сеси, споделува моменти од својот личен живот, преку објави се бори за заштита на животните, ги споделува и своите ставови околу политичката сцена и од сите останати сфери во државата.
И токму поради мешањето во политика и јасно поддржување на моменталната власт, во февруари 2025, здружението „Еко Стража“ од Србија поднесе петиција до Мета за затворање на нејзиниот профил, повикувајќи се на „говор на омраза, расизам, ксенофобија, таргетирање поединци и генерално штетно однесување“. Во рок од неколку дена, петицијата собра над 348.000 потписи, а поддржувачи и критичари бурно дебатираа дали тоа е цензура или оправдан чекор .
Јелена враќањето на својот профил го потврди со споделување објава во која вели – И конечно се вратив, посебна благодарност за @kadirsenliix кој го направи невозможното. Крал на Турција.
Бидејќи Јелена преку својот Инстаграм профил ги известува своите фанови за своите настапи и проекти, таа веднаш сподели сет фотографии од настапот во еден белградски престижен локал со прашање – Дали ви недостасував?
Сега, откако е повторно активна на Инстаграм, почна да споделува содржини и да го враќа внимание кон себе – без разлика дали позитивно или негативно. Во секој случај, нејзиното присуство продолжува да ја дели јавноста.
Шоу Биз
Штипска Пастрмајлијада 2026 – Два дена уживање, повеќе од 30 угостители и големи музички имиња
Штип и годинава се подготвува за едно од најпосетените гастрономско-забавни случувања во земјава. На 18 и 19 септември, градот повторно ќе биде домаќин на „Пастрмајлијада 2026“, манифестација која одамна ја надмина локалната традиција и прерасна во препознатлив настан за посетители од цела Македонија и регионот.
Овогодишното издание ќе се одвива на две локации – шеталиштето „Ванчо Прќе“ и Градскиот стадион. На двете места ќе има можност за дегустација на штипската пастрмајлија, а продажбата ќе се одвива преку унифицирани објекти, поставени неколку дена пред почетокот на манифестацијата. Новиот концепт е дел од настојувањето организацијата да биде пофункционална и попрегледна за гостите.
Програмата започнува во петок од 13 часот, со традиционалното сечење на џиновската штипска пастрмајлија, по што следуваат настапи на културно-уметнички друштва, диџеј-програма и музички настапи. На шеталиштето „Ванчо Прќе“ ќе настапат Лара Ивановска, Таско и српската пејачка Сара Јо.
Централната концертна вечер е закажана на Градскиот стадион, каде публиката ќе има можност да ужива во настапите на Јован Јованов и Елвир Мехиќ, а главната ѕвезда на вечерта ќе биде познатиот српски пејач Жељко Јоксимовиќ.
Покрај музичката програма, во фокусот останува она по што Штип е надалеку препознатлив – пастрмајлијата. За подготовката и понудата на специјалитетот ќе се погрижат повеќе од 30 угостители, а организаторите најавуваат дека цената ќе остане 250 денари, и покрај зголемените трошоци.
За полесно пристигнување и движење на очекуваните илјадници посетители, ќе бидат обезбедени дополнителни паркинг-површини, а во текот на манифестацијата ќе има и измени во сообраќајниот режим.
Со спојот на традиционалниот вкус, музиката и гостопримството, „Пастрмајлијада 2026“ и годинава го потврдува Штип како град во кој добрата храна и добрата забава одат заедно.
18 и 19 септември – Штип ве очекува на Пастрмајлијада 2026!
-
Шоу Бизпред 6 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 5 месециДарко Билбиловски претстави нова песна исполнета со емоција – „Само да си моја“
-
Шоу Бизпред 5 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 2 месециЅвездени носталгии тема – Горчлива чаша 14.07.2026
-
Шоу Бизпред 5 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 4 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 6 месециМладата Викторија Ефтимова го претстави новиот сингл „Идеали“
-
Шоу Бизпред 2 месециЅвездени носталгии тема – Гламур 07.07.2026