Шоу Биз
Водителката Биљана Коцева – Алексова на пат за Острог
Водителката на Радио Зона М1 Биљана Коцева – Алексова денеска ќе се упати во едно од најпосетените духовни светилишта на Балканот – Манастирот Острог.
Манастирот Острог, врежан во стрмната карпа на планината во близина на Никшиќ, е посветен на Свети Василиј Острошки и секоја година привлекува стотици илјади верници од целиот свет – православни, католици, но и припадници на други вери. За многумина, ова место е симбол на исцелување, молитва и духовно прочистување.
Биљана или како што слушателите на Радио Зона М1 ја знаат, Бици, на ова патување не оди како репортер и новинар туку како човек што сака да го почувствува и разбере мирот што луѓето го пронаоѓаат таму. Да го почувствува чувството што луѓето го имаат таму, кога ќе се искачат до Горниот манстир, да го слушне шепотот на нивните молитви и да ги слушне нивните приказни, бидејќи Острог не е само црква врежана во карпа, Острог е живо место на надеж за подобро утре.
Посетата на Острог е планирана за овој викенд, а своите импресии од патувањето Бици ќе ни ги пренесе во наредната нејзина емисија и со тоа, за сите нас што не можеме да отидеме до Острог, Бици ќе ни го донесе Острог дома преку зборови и фотографии.
Шоу Биз
Штипска Пастрмајлијада 2026 – Два дена уживање, повеќе од 30 угостители и големи музички имиња
Штип и годинава се подготвува за едно од најпосетените гастрономско-забавни случувања во земјава. На 18 и 19 септември, градот повторно ќе биде домаќин на „Пастрмајлијада 2026“, манифестација која одамна ја надмина локалната традиција и прерасна во препознатлив настан за посетители од цела Македонија и регионот.
Овогодишното издание ќе се одвива на две локации – шеталиштето „Ванчо Прќе“ и Градскиот стадион. На двете места ќе има можност за дегустација на штипската пастрмајлија, а продажбата ќе се одвива преку унифицирани објекти, поставени неколку дена пред почетокот на манифестацијата. Новиот концепт е дел од настојувањето организацијата да биде пофункционална и попрегледна за гостите.
Програмата започнува во петок од 13 часот, со традиционалното сечење на џиновската штипска пастрмајлија, по што следуваат настапи на културно-уметнички друштва, диџеј-програма и музички настапи. На шеталиштето „Ванчо Прќе“ ќе настапат Лара Ивановска, Таско и српската пејачка Сара Јо.
Централната концертна вечер е закажана на Градскиот стадион, каде публиката ќе има можност да ужива во настапите на Јован Јованов и Елвир Мехиќ, а главната ѕвезда на вечерта ќе биде познатиот српски пејач Жељко Јоксимовиќ.
Покрај музичката програма, во фокусот останува она по што Штип е надалеку препознатлив – пастрмајлијата. За подготовката и понудата на специјалитетот ќе се погрижат повеќе од 30 угостители, а организаторите најавуваат дека цената ќе остане 250 денари, и покрај зголемените трошоци.
За полесно пристигнување и движење на очекуваните илјадници посетители, ќе бидат обезбедени дополнителни паркинг-површини, а во текот на манифестацијата ќе има и измени во сообраќајниот режим.
Со спојот на традиционалниот вкус, музиката и гостопримството, „Пастрмајлијада 2026“ и годинава го потврдува Штип како град во кој добрата храна и добрата забава одат заедно.
18 и 19 септември – Штип ве очекува на Пастрмајлијада 2026!
-
Шоу Бизпред 6 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 5 месециДарко Билбиловски претстави нова песна исполнета со емоција – „Само да си моја“
-
Шоу Бизпред 5 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 2 месециЅвездени носталгии тема – Горчлива чаша 14.07.2026
-
Шоу Бизпред 5 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 4 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 6 месециМладата Викторија Ефтимова го претстави новиот сингл „Идеали“
-
Шоу Бизпред 2 месециЅвездени носталгии тема – Гламур 07.07.2026