Шоу Биз

Ѕвездите на Гранд се далеку, но срцето на Александар Стевановски сеуште пее преку стихови

Објавено

пред 6 дена

на

септември 16, 2025

Од

Цаци

Се сеќавате ли на едно амбициозно младо момче кое имаше желба да ги освои ѕвездите. Некогашен натпреварувач на „Ѕвездите на Гранд“, а денес автор на емотивни песни и животни приказни. Што прави и каде е денес Александар Стевановски, момчето кое од мали нозе ја носи музиката во своето срце.

Александар првпат ја освои јавноста со својот настап на популарното регионално музичко шоу „Ѕвездите на Гранд“. Со својата желба да ја освои публиката и жирито, тоа младо момче, тогаш, направи едно вистинско и интересно шоу кое долго време се раскажуваше наоколу. Можеби тоа беше успешно сценарио со кое го привлече вниманието на себе.

Иако желбата за пеење беше негова голема љубов, поради проблеми со гласот, тој мораше да ја напушти сцената како пејач. Сепак, тоа не го спречи да остане дел од музичкиот свет, само што патот го одведе во друга насока.

Денес Александар пишува текстови за песни, и тоа навистина успешни. Некои од песните на кои е автор/текстописец се:

„Патник без адреса“ – емотивен стих за лични моменти и љубовни приказни
„Солзи нека течат“ – песна која ја носи неговата искреност и животни емоции.
„Прелетај соколе“ – композиција инспирирана од народни мотиви, но со современ личен печат.
„Стојне мома на чорбаџи Стојана“ и „Решив дома да се вратам“ – дела кои ја покажуваат неговата способност да пренесе приказна низ текст. Следуваат и
За Велигден, За четири наши дечиња, Ергени се збрале, Решив дома да се вратам и уште многу други.

Неговите стихови се силни, емотивни и носат печат на личното искуство, затоа и лесно допираат до публиката. Македонската естрада веќе препознава дека зад сцената стои автор кој има што да каже, а веќе почнува да ја освојува и естрадата надвор од Македонија, почнува со ситни чекори, да зачекорува и низ просторите на бивша Југославија.

Иако моментално живее и работи во Германија, Александар останува силно поврзан со татковината. Неговите текстови често се инспирирани од животот дома, од спомените и од емоциите кои сака да ги овековечи.

Покрај песните, Александар пишува и кратки животни раскази. Тие се интимни, инспирирани од сопствените искуства и моменти кои сака да ги претвори во зборови. Неговата голема желба е еден ден тие раскази да бидат собрани и објавени во книга, како еден вид личен печат и трајно сведоштво за животот низ неговите очи.

Александар Стевановски е доказ дека музиката и уметноста не завршуваат со еден настап или една кариера. И кога судбината ќе ја смени насоката и патиштата, вистинската љубов секогаш наоѓа пат. Кај него, тоа е патот на зборовите – во песни, во раскази и во идеи кои еден ден ќе ги собере меѓу корици на книга.

Поврзани теми:

Следно

Културното лето 2025 во Ѓорче Петров завршува со петдневен спектакл

Не пропуштајте

„Вкуси го југот“ во Гевгелија: Три дена музика, традиција и забава

Продолжи со читање

Шоу Биз

Хороскопот и македонските музички ѕвезди: Откријте кој знак доминира на сцената

Објавено

пред 1 ден

на

септември 21, 2025

Од

admin

Дали некогаш сте се запрашале која е астролошката тајна зад талентот и харизмата на македонските пејачки? Ви претставуваме листа на 15 познати дами од домашната музичка сцена и нивните хороскопски знаци, кои можеби влијаат на нивниот уникатен стил и енергија.

Овен: Енергија што освојува

Мартија Станојковиќ (7 април ): Младата и енергична Мартија е типичен претставник на Овенот, познат по својата храброст, динамичност и натпреварувачки дух.
Симона Попоска (27 март ): Со својата продорност и силна волја, Симона ги покажува карактеристиките на првиот знак во зодијакот, кој секогаш тежнее кон врвот.

Бик: Моќни и стабилни вокали

Каролина Гочева (28 април ): Позната по својата упорност, стабилност и мелос, Каролина е вистински претставник на Бикот.
Елена Ристеска (27 април ): Исто како и Каролина, и Елена ја дели припадноста кон овој земјен знак, познат по исклучителните вокални способности.

Близнаци: Сценска динамика и комуникативност

Тамара Тодевска (1 јуни ): Нејзината енергија, прилагодливост и впечатливи настапи се во совршена согласност со карактеристиките на комуникативните Близнаци.
Дани Димитровска (4 јуни ): Како вистински Близнак, Дани зрачи со динамичност и способност за трансформација, што се гледа и во нејзината долгогодишна кариера.

Рак: Емоција што допира до срцето

Лидија Кочовска (1 јули ): Со својата емотивност и нежност, Лидија ги отсликува карактеристиките на Ракот, знак кој е длабоко поврзан со чувствата.

Лав: Кралица на сцената

Елена Петреска (1 август ): Со својата харизма и доминантно присуство на сцената, Елена е вистинска Лавица, родена да биде во центарот на вниманието.

Вага: Шарм и уметничка префинетост

Викторија Лоба (17 октомври ): Родена во знакот на Вага, Викторија се истакнува со својот шарм, префинетост и чувство за естетика.
Сара Мејс (20 октомври ): Како и нејзината колешка Лоба, и Сара е Вага, што се отсликува во нејзиниот уметнички израз и хармоничен стил.

Стрелец: Авантуристички дух и слобода

Андријана Јаневска (6 декември ): Позната по својот авантуристички дух и разновидност во музичките жанрови, Андријана е типичен Стрелец.
Росана Сариќ Тодоровска (14 декември): Една од легендарните сестри од дуото „Маријана и Росана“, Росана е родена во знакот на Стрелец, познат по оптимизмот и широките погледи.[

Јарец: Амбиција и безвременски квалитет

Калиопи (28 декември ): Музичката дива со моќен вокал, Калиопи, е родена во знакот на Јарец. Нејзината долготрајна и успешна кариера е доказ за амбицијата и дисциплината карактеристични за овој знак.

Водолија: Оригиналност и независност

Тијана Дапчевиќ (3 февруари ): Со својата оригиналност, хумор и неконвенционален стил, Тијана совршено ги претставува карактеристиките на независната Водолија.
Антониа Гиговска (21 јануар ): Младата и талентирана Антониа е исто така Водолија, знак кој секогаш носи нешто ново и автентично на сцената.

Продолжи со читање