Шоу Биз
Културното лето во Ѓорче Петров продолжува со богата програма од 4 до 7 септември
Во населбата Ѓорче Петров, во централниот парк, од 22 август секој викенд се одвиваат разновидни културни, уметнички и забавни содржини во рамки на традиционалното „Културно лето 2025“. По успешниот продолжен викенд исполнет со бројни настани, забавата продолжува и овој викенд – од 4 до 7 септември.
Ден за најмладите – четврток, 4 септември
Програмата започнува во четврток, 4 септември, со ден посветен на најмладите. Од 18:00 часот, во централниот парк во Ѓорче, децата ќе имаат можност да пеат и се радуваат со изведбите на своите врсници од популарниот детски фестивал „Поточиња“. Веднаш потоа, од 19:00 часот, ќе следува настап на артистите од Фестивалот на уличен театар „Баскер фест“ кои ќе донесат магија, жонглерски атракции и многу насмевки.
„Базар во паркот“ – петок, 5 септември
Во петок од 18:00 часот започнува „Базарот во паркот во Ѓорче“, каде ќе бидат изложени уникатни ракотворби и домашни производи. Базарот ќе биде збогатен со музичка програма во која ќе настапат „Backdoor Band“ со кавер изведби, групата „Infusion Spanish“ со шпанска музика и DJ Carlito.
Етно, џез и фламенко – сабота, 6 септември
Во сабота, базарот продолжува од 14:00 часот, а музичкиот дел ќе го украсат македонски етно бенд, духовитите „Brass Brothers“ со лимени инструменти, DJ Zero Gravity и специјален настап со традиционална шпанска фламенко музика.
„Звуците на традицијата“ – недела, 7 септември
Неделата е резервирана за настанот „Звуците на традицијата во Ѓорче“, организиран од здружението „Палиум“. Од 18:00 часот ќе започне манифестацијата „Зелникот на баба“, каде постарите жени заедно со најмладите девојчиња ќе замесат зелник, кој потоа ќе биде споделен со присутните. За најмладите е предвидена програма со уличниот забавувач Кристијан Бенито, а поетско читање ќе има Драгица Славеска.
Во естрадно-музичкиот дел ќе настапат познатите фолк изведувачи Дарко Билбиловски, Милица Кузмановска и Душко Ѓеорѓиевски. Кулминацијата на вечерта ќе биде со настапите на културно-уметничките друштва КУД „Јонче Христовски“, КУД „Лилјан“ и ЖКУД „Владо Тасевски“.
Култура и забава за сите генерации
Со разновидна програма за сите возрасти, „Културното лето 2025“ во Ѓорче Петров продолжува да ја зближува локалната заедница преку музика, уметност, традиција и забава. Централниот парк повторно ќе биде местото кое ќе пулсира со културна енергија и заеднички дух.
Шоу Биз
Започнува Тиквешкиот Гроздобер 2025 Кавадарци подготвено за тридневна магија
Утре, Кавадарци ќе блесне во боите на традицијата, музиката и виното. Започнува Тиквешкиот Гроздобер – најголемата културно-забавна манифестација во регионот, која ќе трае три дена, од 5-ти до 7-ми септември.
Покана до сите љубители на традицијата и виното
Градоначалникот на Кавадарци, Митко Јанчев кој се погрижи целата манифестација да биде оддржана на највисоко можно ниво, упати покана во која ги повикува сите граѓани и гости од земјата и странство да се придружат во овие три незаборавни денови исполнети со музика, вино, традиција и забава. Кавадарци е подготвено за најубавиот празник на Тиквешијата – Гроздоберот“, порача тој.
Гроздоберско изненадување за посетителите
По иницијатива на градоначалникот Митко Јанчев, сите гости кои ќе го посетат фестивалот ќе бидат пречекани на трите бесплатни влеза во градот со насоки за паркирање и симболично изненадување – пакетче со бело и црно грозје од „Кав Комерц Кавадарци“.
Програмата е внимателно подготвена за да ја прикаже љубовта кон македонската традиција, култура и богатата винска традиција на Тиквешијата.
Настани за сите вкусови
Во Паркот на револуцијата ќе настапат народните групи и изведувачи од регионот: Акустико бенд, Трио Мањифико и Акустико Лајт. Преку ден, на повеќе локации низ градот ќе се одржуваат настани поврзани со храна, вино, уметност и литература, а навечер забавата ќе се префрли на Градскиот плоштад.
Таму, посетителите ќе можат да се забавуваат со DJ Oky Doky, да пеат со Тајзи, Куку Леле, Андријана Петрушовска и Либеро бенд. За најмладите, специјалната радост ќе ја донесат детскиот хор „Гроздоберче“ и традиционалниот детски карневал – срцето на манифестацијата.
Културна и спортска програма
Посетителите ќе имаат можност да проследат кошаркарски турнир, промоции на книги од македонски автори, фото-монографија за Бранко Иванов, изложба на Мирослав Масин и бројни други културни содржини. Карневалски делегации од регионот и уметници од соседните земји ќе придонесат за духот на пријателство и поврзување што отсекогаш го носи Гроздоберот.
Големи балкански имиња на главната сцена
Оваа година, Кавадарци ќе биде домаќин и на некои од најголемите балкански музички имиња. На главната сцена ќе настапат:
- Теодора Џехверовиќ со својата енергична програма,
- Наташа Беквалац, една од најпознатите балкански пејачки,
- Харис Џиновиќ, легендата на боемската музика,
- Марија Шерифовиќ, победничка на Евровизија, која за првпат ќе настапи во Кавадарци.
Кавадарци ве очекува.
-
Шоу Бизпред 2 месециВодителката Биљана Коцева – Алексова на пат за Острог
-
Шоу Бизпред 2 месециИмпресиите на Бици по враќањето од Острошкиот манастир
-
Шоу Бизпред 1 неделаНастапот на Раде Младеновски на Тумба Фест го потврди неговиот подем на македонската сцена
-
Шоу Бизпред 1 месецМиро Костовски – Бизнисмен со срце, југоносталгичар со душа и човек кој знае да го слави живот
-
Шоу Бизпред 2 месециПродукција Зона М1 прослави 7 години од своето постоење
-
Шоу Бизпред 2 месециМарко Михајловиќ – младиот клавијатурист од Србија со нови музички хоризонти
-
Народнапред 2 месециСпасе Антевски легендарниот хит „Запејте сите ангели“ го враќа во нов аранжман
-
Шоу Бизпред 2 неделиЛени Партикова – дваесет години на сцената и македонски културен амбасадор во Гуча и Грачаница