Шоу Биз
„Ова лето“ е само почеток ZDRAVE MUSIC – трио што носи свежа енергија на домашната сцена
Триото ZDRAVE MUSIC, составени од Благојче, Бојан и Дарко, момците од Охрид и Ресен креираат звук кој ги обединува традицијата и современиот поп-шмек. Момците кои сосема успешно започнуваат да пливаат во музичките води. Ова лето, тие нè покануваат на музичко патување полно со свежина, позитивна енергија и носталгична емоција, спакувано во динамичен аранжман и визуелно атрактивен спот.
Тие го привлекоа вниманието на македонската публика со нивниот најнов сингл „Ова лето“, вистинска химна за топлите денови, љубовта и моментите поминати покрај езеро.
„Ова лето“ носи лесна, ведра енергија, каде се чувствува допирот на охридскиот дух. Со мелодични хармонии, топол вокал и умерено забавен ритам, песната е создадена да биде саундтрак на излетите, журките и летните ноќи.
Композицијата е вешто продуцирана со мешавина од живи инструменти и електронски елементи, давајќи ѝ на песната автентичен, но модерен звук.
Со своите успешни настапи во кои е вклучена и народната музика и после се почестите појавувања во медиумите, ZDRAVE MUSIC продолжуваат да ја градат својата кариера со јасна насока и цел, а тоа искрена музика, блискост со публиката и доследност во квалитеот. Момците сами работат на аранжманите, продукцијата и сценскиот израза, што дополнително ја збогатува нивната приказна со личен печат.
Во студиото работат со страст, а на сцената настапуваат со енергија што ја пренесуваат директно на публиката. Спојот меѓу веселбите и музичка посветеност ги прави препознатливи и омилени кај помладата публика, но и кај љубителите на традиционалниот македонски звук.
Со „Ова лето“, групата јасно покажува дека не се само моментален тренд, туку сериозен проект што чекори напред. Песната е дел од поширок план кој вклучува нови настапи, фестивали и можни колаборации со други изведувачи.
И додека летото сè уште трае, ZDRAVE MUSIC веќе ја поставуваат сцената за следната фаза од нивниот музички пат. Но едно е сигурно: ова лето ќе остане запаметено по песната што ни донесе насмевка, движење, разиграност и малку повеќе љубов.
Шоу Биз
Радио Зона М1 – 32 години музичка приказна што не престанува да пулсира
Радио Зона М1 одбележува – 32 години постоење, континуирано емитување и несебична посветеност кон слушателите. Основано во време кога радиото беше прозорец кон светот, а музиката најискрен јазик меѓу луѓето, Зона М1 успеа да остане дел од секојдневието на генерации слушатели, градејќи препознатлив потпис и силен однос со народот.
Во текот на овие три децении, радиото прерасна во симбол на добрата енергија, на ведриот дух и на моментите што обединуваат. Програмата е богата и шаренолика, од најновите музички хитови до вечните класици, од македонски поп и фолк, до ритмите на целиот Балкан. Токму таа разновидност создава мост меѓу различни вкусови и генерации, правејќи го радиото омилено за сите кои сакаат музика со душа.
Покрај музиката, Зона М1 негува и впечатливи емисии, водители со препознатлив стил и програма која знае да расположи, насмее, информира, но и да даде простор за размислување. Преку нив, радиото стана повеќе од медиум, стана навика, дел од домот, дел од работниот ден и секојдневна придружба на илјадници слушатели.
Секако, 32 години носат и предизвици. Како и многу медиуми, Зона М1 минала низ периоди на финансиски, технички и организациски тешкотии. Но тимот секогаш ја задржал својата препознатлива енергија и упорност. Дури и кога било најтешко, радиото не дозволило слушателот да почувствува негативност, во етерот секогаш доминирала позитивната вибрација.
Во чест на овој голем јубилеј, главните уредници и сопственици на радиото, Марјан и Светлана Тасевски ќе организираат роденденска забава, посветена на сите кои со години го одржуваат духот на Зона М1 жив – вработените, соработниците и луѓето кои секојдневно придонесуваат радиото да остане она што е денес. Забавата ќе биде симболична благодарница за нивниот труд, лојалност и заедничката верба во оваа три децениска приказна.
Денес, по 32 години, Радио Зона М1 стои повисоко од кога било: зрел, стабилен, модерен медиум што чекори со времето, но ги зачувува своите корени. Продолжува да биде таму каде што отсекогаш било – блиску до народот, со срце кое чука во ритамот на Балканот и со микрофон што никогаш не замолчува.
Со јасна визија, силна традиција и голема љубов кон слушателите, радиото го прославува својот роденден со пораката:
„32 години сме со вас, тука и остануваме!“
-
Шоу Бизпред 1 недела„Аска 2“ доаѓа на 2 декември – нов музички бум од Теа Таировиќ
-
Шоу Бизпред 3 месециНа 18-ти септември село Булачани ќе чука „во ритам на хуманоста“ со голем концерт
-
Шоу Бизпред 3 месециНастапот на Раде Младеновски на Тумба Фест го потврди неговиот подем на македонската сцена
-
Шоу Бизпред 5 месециВодителката Биљана Коцева – Алексова на пат за Острог
-
Шоу Бизпред 5 месециИмпресиите на Бици по враќањето од Острошкиот манастир
-
Шоу Бизпред 5 месециМиро Костовски – Бизнисмен со срце, југоносталгичар со душа и човек кој знае да го слави живот
-
Шоу Бизпред 2 месециНино и Мац со голем исчекор – склучија договор со продукција ‘Зона М1’ и тргнуваат кон регионален успех!
-
Шоу Бизпред 2 денаРадио Зона М1 – 32 години музичка приказна што не престанува да пулсира