ЗАБАВНА
Од болка до песна – Ивона Јо го слави животот со „Молитва“
Поп-емотивната и инспиративна трансформација на Ивона Јо продолжува да ја осветлува македонската музичка сцена. На својот 29‑ти роденден, пејачката од Куманово направи исклучително значаен чекор, ја претстави новата песна и видеоспот за песната „Молитва“.
Во роденденската порака објавена на социјалните мрежи, Ивона ги сподели искрените предизвици низ кои помина, таа во својата роденденска порака напиша
„Беше тешка година, но преживеав. Сега сум 29‑годишна — понекогаш скршена, понекогаш насмеана, но никогаш откажана од себе… Утре ви го дарувам, и си го дарувам, мојот нов спот — во 19 часот. Бај.“
Неверојатно е како токму во моменти на борба таа го создаде овој нов музички дар за себе и за публиката.
Минатата година, Ивона исполни уште една од своите поставени цели, по операцијата за намалување на желудникот и ослабе, сега таа направи операција за отстранување на вишок кожа. Во само три месеци, забележа значителна трансформација на телото со драстичен пад на килограмите, а секој 26‑ти ден од месецот го нарекува „нов роденден“, „Нова јас“.
Но промената не е само во изгледот, таа продолжи да се исцелува и низ музиката. Само неколку месеци пред „Молитва“, Ивона веќе ја претстави песната „Себично“, која ја испеа на Макфест во Штип. Таа ја опишува како „молитва и крик за ослободување од товарот кој го носиме во себе“.
Оваа нова фаза од нејзиниот живот и кариера не е случајна, таа е резултат на борба, љубов кон себе и кон музиката. Со песната „Молитва“, таа ги искажува своите внатрешни и надворешни демони кои на нејзиниот пат, се обидувале да ја скршат и да ја спрешат да продолжи. Но таа со својата истрајност и упорност повторно успева да се издигне, да ја создаде ,,новата Ивона” и да докажува дека „нова Ивона“ останува позитивна, посветена и подготвена да инспирира повторно.
ЗАБАВНА
МУЗИЧКИ СПЕКТАКЛ ВО СКОПЈЕ: Јоце Панов СО ГОЛЕМ КОНЦЕРТ ВО Филхармонија на Република Македонија
На 18 март 2026 година (среда) со почеток во 20:00 часот, во една од најпрестижните концертни сали во земјата, ќе се одржи големиот солистички концерт на Јоце Панов – вечер која ветува силни емоции, врвна музика и незаборавна атмосфера.
Овој концерт претставува посебен музички настан во кариерата на Панов. Публиката ќе има можност да ги слушне неговите најголеми хитови, внимателно избрани балади, како и динамични песни кои ја кренале публиката на нозе низ годините. Дел од репертоарот ќе биде изведен во нови, специјално подготвени аранжмани, прилагодени на акустиката и величественоста на салата на Филхармонијата.
Зона М1 радио – медиумот што го препозна талентот на Јоце Панов од самиот почеток
Уште од неговите први музички чекори, Зона М1 радио беше медиумот што го отвори просторот и го претстави Јоце Панов пред пошироката публика. Токму преку радиобрановите на оваа станица, јавноста за првпат имаше можност да го запознае неговиот автентичен вокал и силната емоција што ја носи во своите интерпретации.
Неговото откривање се случи со песната „Твојте очи Лено мори“, традиционална песна од егејскиот дел на Македонија, која во изведба на Панов доби нова енергија и современ израз. Песната брзо го привлече вниманието на слушателите и стана препознатлив белег на неговите почетоци.
Од тој момент па натаму, Зона М1 радио му пружаше сесрдна и континуирана поддршка во текот на неговата кариера – промовирајќи ги неговите нови песни, најавувајќи настапи и следејќи го секој негов музички успех.
Поддршката од медиум кој верува во домашната музика и ги негува македонските вредности беше значаен поттик за развојот на неговата кариера. Денес, кога Јоце Панов зад себе има бројни хитови и концерти, почетоците и подадената рака од Зона М1 остануваат важен дел од неговата музичка кариера
Настапот ќе биде придружуван од врвни музичари, со богата продукција, светлосни ефекти и сценска поставеност што ќе создаде вистинско концертно доживување.
Дополнителна возбуда носат специјалните гости, чии имиња ќе бидат изненадување за публиката. Тие ќе придонесат вечерта да добие уште поемоционален и свечен карактер.
Јоце Панов пред публиката ќе ги претстави и своите две најнови песни, кои веќе го привлекуваат вниманието на љубителите на македонската музика. Ова ќе биде посебна можност тие да се слушнат во живо, во величествената атмосфера на Филхармонијата.
Ова нема да биде само концерт – туку музичка приказна раскажана преку песни, емоции и директна комуникација со публиката. Секој тон ќе биде доживување, секоја песна – спомен.
Билетите се очекува да предизвикаат голем интерес, затоа обезбедете го вашето место навреме и бидете дел од оваа музичка магија на 18 март 2026 во 20:00 часот во Филхармонија.
-
Народнапред 2 месециВладимир Поповски ја оживеа „Непокорни Македонци“ – песна што зборува во името на народот
-
Шоу Бизпред 3 месеци„Аска 2“ доаѓа на 2 декември – нов музички бум од Теа Таировиќ
-
Шоу Бизпред 1 месецАлександар Митевски и хорот „Фрида“ со музички спомен за Фросина Кулавкова
-
Шоу Бизпред 2 неделиСека Алексиќ и Раста на иста сцена во Арена „Јане Сандански“
-
Народнапред 2 месециЛени Партикова со прес-конференција го најави концертот и новиот албум „Горда сум Македонка“
-
Шоу Бизпред 2 месециСо емоции и почит – Александар Јосифовски со ковер на „Кому да запеам“
-
Шоу Бизпред 3 месециРадио Зона М1 во блесок и сјај го одбележа својот 32-ри роденден – ноќ исполнета со музика, емоции и вистински гламур
-
Шоу Бизпред 3 месециНова кавер-приказна од младиот вокал Никола Милосковски – Емотивната балада „Лутка“ доби нова душа