Шоу Биз
Додека Македонија се бори со летни горештини, Татјана Лазарова ужива во снегот во Австралија
Татјана Лазарова живее и работи во Австралија веќе некое време, но секогаш наоѓа начин да остане поврзана со својата публика во Македонија. Нејзините објави честопати предизвикуваат позитивни реакции и коментари, особено кога нè запознава со поинаквата страна на австралискиот живот, каде сезоните се обратни од тие во Европа.
Додека температурите во Македонија достигнуваат рекордни височини и граѓаните бараат засолниште од жештините, познатата македонска пеачка, Татјана Лазарова ни покажува сосема поинаква.
Во време кога улиците низ Скопје и останатите македонски градови се претвораат во вистински рерни, а граѓаните спас бараат покрај базени, езера или под сенка со ладна лубеница, Татјана Лазарова од Австралија нè пренесува во целосно различна реалност – зима, снег и зимски лудории во местото Lake Mountain кое се наоѓа на два часа од Мелбурн.
На својот Фејсбук профил, Татјана сподели видеа и фотографии од снежната магија во која моментално ужива. Облечена во зимска опрема, со насмевка на лицето, таа се скија, шета низ белите планински патеки и пие топол чај со поглед кон снежната идила.
За македонската публика, овие сцени се вистинско изненадување — додека тие се обидуваат да се разладат со ладни пијалаци и клима уреди, таа ужива во зимски спортови.
Најновите видеа од Татјана, ја прикажуваат околината опкружени со густа снежна покривка, дечиња како прават снешковци, се лизгаат, скијаат и уживаат во моментите со топол чај или кафе во планински кафулиња.
Нејзината австралиска зимска идила изгледа како сцена од божиќна разгледница – дрвја покриени со снег, тивка природа и чист планински воздух.
Покрај естетскиот момент, објавите на Татјана се и потсетник за тоа колку светот е разновиден и чудесен – додека еден народ се крие од сонцето, друг ужива во снегот. Коментарите под нејзините објави се полни со љубопитност:
„Кај вас зима, кај нас 40 степени!“, „Се менуваме?“ и „Преубаво, уживај за сите нас што сега сме залепени за клима“ се само дел од реакциите на нејзините следбеници од Македонија.
Татјана уште еднаш успеа да ја пренесе убавината на едно различно секојдневие и да нè потсети дека убавината е насекаде – само треба да ја видиме, без разлика дали е облечена во костим за капење или во зимска јакна.
Шоу Биз
Босилово повторно ги собира љубителите на фолклорот – 15 години „Средба Русалии – Фолклор 2026“
Во овој исклучително активен период со културни настани, Естрада.мк продолжува да ги следи културните настани низ Македонија и да ги претставува манифестациите кои ја чуваат нашата традиција, фолклор и македонскиот културен идентитет. Овојпат патот нè води во Босилово, каде на 27 август 2026 година ќе се одржи јубилејното 15-то издание на Меѓународниот фестивал „Средба Русалии – Фолклор 2026“.
Петнаесет години традиција, песна, ора и дружење со фолклорните ансамбли се доволна причина Босилово и ова лето да биде место на кое ќе се сретнат љубителите на македонското фолклорно наследство.
Фестивалската програма започнува во 18 часот со дефиле, со кое учесниците ќе продефилираат низ Босилово и ќе ја најават големата фолклорна вечер.
Во 19 часот следува свечена програма во црквата „Пресвета Богородица“, а централниот дел од фестивалот започнува во 20 часот во паркот.
Пред публиката ќе настапат повеќе фолклорни ансамбли и културно-уметнички друштва: КУД „Русалии“ од Секирник, ФА „Цветови“ од Дедино, „Центар“ од Петрич, КУД „Јане Сандански“ од Ново Село, ФА „Копачка“ од Драмче, „Атми Митко Алексoв“ од Кочани и ФА „Осоговски извор“ од Оризари.
Разновидноста на учесниците уште еднаш покажува дека фолклорот е еден од најубавите начини за поврзување на различни места, традиции и генерации. Преку песната, орото и народните носии, фестивалот ја претвора сцената во своевидна жива слика на македонското културно наследство.
Но, фестивалската вечер нема да заврши со фолклорните настапи. Од 22 часот, публиката ќе има можност да ужива во концертот на Дамјан Стојановски, кој со својот препознатлив музички израз ќе биде задолжен за продолжување на празничната атмосфера.
„Средба Русалии – Фолклор“ низ годините прерасна во значајна културна средба која ја негува традицијата и овозможува фолклорот да остане жив пред новите генерации. Токму затоа јубилејното 15-то издание е уште една потврда дека ваквите манифестации имаат огромно значење за зачувувањето на културното наследство.
Босилово на 27 август ќе биде место на кое ќе се слушне звукот на тапаните, ќе заиграат фолклорните ансамбли, ќе се облечат традиционалните носии и ќе се продолжи приказната за македонската традиција.
А Естрада.мк и понатаму ќе биде таму каде што се создаваат ваквите убави приказни, затоа што нашата култура не се чува само во книгите и музеите, таа живее во песната, орото, носијата и во луѓето кои со љубов ја пренесуваат од поколение на поколение.
Босилово ги отвора вратите за 15 години „Средба Русалии – Фолклор 2026“ – вечер посветена на традицијата, фолклорот, музиката и заедништвото.
-
Шоу Бизпред 5 месециМала ѕвезда со голем глас – Ива Пауновиќ чекори сигурно кон музичкиот врв!
-
Народнапред 4 месециДарко Билбиловски претстави нова песна исполнета со емоција – „Само да си моја“
-
Шоу Бизпред 4 месециЗошто македонската музика „тапка во место“ и како легендите како Александар Сариевски го чуваат идентитетот
-
Шоу Бизпред 1 месецЅвездени носталгии тема – Горчлива чаша 14.07.2026
-
Шоу Бизпред 5 месеци„Позитив бенд“ – музика, еуфорија, енергија – гаранција за добра забава
-
Шоу Бизпред 3 месециКога ќе се спојат Илчо Париси и Спасе Антевски атмосферата станува спектакл!
-
Некатегоризиранопред 5 месециМладата Викторија Ефтимова го претстави новиот сингл „Идеали“
-
Шоу Бизпред 2 месециЅвездени носталгии тема – Гламур 07.07.2026